صدراسلام آباد ہائیکورٹ بار شعیب شاہین نے کہا ہے کہ جسٹس قاضی فائز کی سربراہی میں ارشدشریف تحقیقاتی کمیشن بننا چاہیے۔
ٹی وی شو گفتگو کرتے ہوئے انہوں نے کہا ک شکور پراچہ کمیشن کو مسترد کر کے ارشدشریف کی والدہ نے بالکل ٹھیک کیا ارشدقتل کیس کی تحقیقات کرنے والے کمیشن کو میں بھی مسترد کرتا ہوں۔
شعیب شاہین نے کہا کہ حکومت سے مطالبہ کیا سنجیدہ ہیں تو چیف جسٹس کوخط لکھیں اور کہیں سپریم کورٹ کا کوئی بھی موجودہ جج کمیشن کی سربراہی کرے۔
ان کا کہنا تھا کہ سپریم کورٹ کےموجودہ ججزمیں جسٹس قاضی فائزعیسیٰ سینئر ہیں وہ پہلے بھی 2 تحقیقاتی کمیشن کی سربراہی کر چکے ہیں جسٹس قاضی فائزمیموگیٹ اورکوئٹہ میں وکلاپرحملےکی تحقیقات کرچکےہیں ان کی سربراہی میں ارشدشریف تحقیقاتی کمیشن بننا چاہیے۔
شہید ارشد شریف قتل کیس کمیشن کا سربراہ کون ہے؟ حقائق سامنے آگئے
نواز شریف اور شہباز شریف کو جلاوطن کرنے والے سابق صدر پرویز مشرف کا پی سی او جج شہید ارشد شریف قتل کیس کے انکوائری کمیشن کا سربراہ ہے۔
اس حوالے سے ذرائع کا کہنا ہے کہ وزیر اعظم شہباز شریف اسلام آباد ہائی کورٹ کے حاضر سروس جج پر مشتمل ہائی پاورڈ کمیشن بنانے میں ناکام رہے۔
ذرائع کے مطابق صحافی ارشد شریف قتل کیس کی انکوائری کمیشن کے سربراہ جسٹس (ر) شکور پراچہ پی سی او جج نکلے۔ پی سی او جج شکور پراچہ کیخلاف کرپشن کے الزام میں سپریم جوڈیشل کونسل میں ریفرنس دائر کیا گیا تھا۔
جاس ریفرنس کی کارروائی، سزا سے بچنے اور پنشن کے حصول کیلئے پی سی او جج شکور پراچہ نے اپنے عہدے سے استعفیٰ دے دیا تھا۔
ذرائع کے مطابق پی ٹی آئی رہنما شیریں مزاری کے ساتھ پیش آنے والے گرفتاری کے واقعے پر بھی شکور پراچہ کی سربراہی میں ایک کمیشن تشکیل دیا گیا تھا۔
ارشد شریف کی شہادت : وزیراعظم نے معتبر انکوائری کمیشن کا وعدہ پورا نہیں کیا، سلمان اقبال
اے آر وائی نیٹ ورک کے صدر اور سی ای او سلمان اقبال نے کہا ہے کہ وزیر اعظم شہباز شریف نے ارشد شریف قتل کیس میں معتبر انکوائری کمیشن کی یقین دہانی کرائی لیکن اپنا وعدہ پورا نہیں کیا۔
سلمان اقبال نے اپنے پیغام میں کہا کہ سپریم کورٹ کا مکمل خود مختار انکوائری کمیشن ہی ایسا کرسکتا ہے، سپریم کورٹ کے موجودہ ججوں پر ہی انکوائری کمیشن بننا چاہئے۔
Despite PM’s assurance he’s failed to appoint a credible Commission of Inquiry into Arshad Sharif’s death in order to ensure transparency. An independent SC Inquiry Comission with sitting judges must be established with @UNHumanRights support to secure #JusticeForArshadSharif https://t.co/VDmVFgiAHn
— Salman Iqbal ARY (@Salman_ARY) October 31, 2022
سلمان اقبال نے اپنے پیغام میں کہا کہ سپریم کورٹ کا مکمل خود مختار انکوائری کمیشن ہی ایسا کرسکتا ہے، سپریم کورٹ کے موجودہ ججوں پر ہی انکوائری کمیشن بننا چاہئے۔
