لاہور: پنجاب اسمبلی میں سینئر اینکرپرسن ارشد شریف کی کینیا میں شہادت پر قرارداد منظور کرلی گئی، جس میں وفاقی حکومت سے شفاف تحقیقات کا مطالبہ کیا گیا ہے۔
تفصیلات کے مطابق پنجاب اسمبلی میں سینئراینکرپرسن ارشد شریف کو کینیا میں شہید کرنے کی قرارداد پیش کی گئی، قرارداد پارلیمانی وزیر راجہ بشارت نے پیش کی۔
قرارداد کے متن میں کہا گیا کہ وفاقی حکومت سے شفاف تحقیقات کرانے کا مطالبہ کیا جو پورانہیں ہوا اور ابھی تک ارشد شریف کے قتل پر کوئی ایکشن نہیں لیا۔
قرارداد میں کہنا تھا کہ پھر مطالبہ کرتے ہیں انکوائری کرا کر ذمہ داروں کو کیفر کردار تک پہنچایا جائے، مچیف جسٹس سے بھی مطالبہ ہے جوڈیشل کمیشن بنائیں اورقرار واقعی سزا دیں۔
جس کے بعد کینیا میں سینئر اینکرپرسن ارشد شریف کی شہادت پر قرارداد کثرت رائے سے منظور کرلی گئی۔
Comments
- Advertisement -
