The news is by your side.

ارشد شریف قتل کیس میں فیکٹ فائنڈنگ کمیٹی کی رپورٹ میں تہلکہ خیز انکشافات

اسلام آباد : ارشد شریف قتل کیس میں فیکٹ فائنڈنگ کمیٹی کی رپورٹ میں انکشاف کیا ہے کہ ارشد شریف کو ایک منصوبہ بندی کے تحت قتل کیا گیا۔

تفصیلات کے مطابق ارشد شریف قتل کیس میں فیکٹ فائنڈنگ کمیٹی کی رپورٹ سامنے آگئی ، جس میں تہلکہ خیز انکشافات کئے گئیے ہیں۔

فیکٹ فائنڈنگ رپورٹ میں انکشاف کیا گیا کہ ارشد شریف کو ایک منصوبہ بندی کے تحت قتل کیا گیا اور ارشد شریف مقدمات ،ان سے جڑے خطرات کی وجہ سےملک چھوڑنے پر مجبور ہوئے۔

فیکٹ فائنڈنگ کمیٹی رپورٹ میں بتایا گیا ہے کہ بظاہر ارشد شریف کو یواےای اے چھوڑنے پر بھی مجبور کیا گیا۔

رپورٹ میں کہا ہے کہ فیصل واوڈا کوبھی فیکٹ فائنڈنگ کمیٹی نے طلب کیا، فیصل واوڈا نےفیکٹ فائنڈنگ کمیٹی کو نہ شواہد دیے اور نہ ہی بیان جمع کرایا۔

رپورٹ کے مطابق فیصل واوڈا نے فیکٹ فائنڈنگ کمیٹی سے تحریری سوالنامہ مانگا تاہم انھوں نے سوالنامے کا تاحال جواب جمع نہیں کرایا۔ فیکٹ فائنڈنگ رپورٹ کا زیادہ تر حصہ لوگوں سے کیےگئے انٹرویو پر مشتمل ہے۔

Comments

یہ بھی پڑھیں