چیئرمین پیپلزپارٹی بلاول بھٹو نے کہا ہے کہ پوری کوشش ہے ارشد شریف کی شہادت کو سیاست کی نذر نہ کیا جائے۔
اسلام آباد میں میڈیا سے گفتگو کرتے ہوئے بلاول بھٹو نے کہا کہ ارشد شریف کی شہادت پوری قوم کے لئے دکھ کی گھڑی ہے وہ پاکستان کے نامور صحافی تھے جیسے بھی تھے ہم انہیں دیکھتے تھے۔
انہوں نے کہا کہ ارشدشریف کے قتل کی ایک بار پھر مذمت کرتا ہوں ارشدشریف کے ٹی وی شوز ضرور دیکھتے تھے یہ اتنا اہم ایشو ہےجس پر کوئی سیاست نہیں ہونی چاہئے۔
بلاول بھٹو نے کہا کہ میری پوری ٹیم کا کردار اس حوالے سے بہت مثبت رہا ہے وزارت خارجہ سےتحقیقاتی ٹیم کینیا گئی تھی وزارت خارجہ اور ہائی کمیشن کی جو ذمہ داریاں تھیں اچھے طریقے سے نبھائی۔
ان کا کہنا تھا کہ جہاں تک ٹی ٹی پی کامعاملہ ہےضروری ہو گا ایک بار پھر اس پالیسی کو ریویو کیاجائے پیپلزپارٹی واحد ہےجس نے کوشش کی قوم کے اصل مسائل پر توجہ دی۔
