اسلام آباد : شہید ارشد شریف کی اہلیہ جویریہ صدیق نے انٹرنیشنل اداروں سے صحافیوں کے لیے اقدامات کا مطالبہ کردیا۔
تفصیلات کے مطابق شہید ارشد شریف کی اہلیہ جویریہ صدیق نے صحافیوں سے بدسلوکی پر انٹرنیشنل اداروں سے اقدامات کا مطالبہ کرتے ہوئے یونیسکو سے ہیلپ لائن بنانے کی درخواست کردی۔
جویریہ صدیق نے کہا کہ جب سے شہباز شریف حکومت آئی صحافیوں کو ہراساں کیا جارہا ہے، عماد یوسف، عمران ریاض سمیت کئی صحافیوں کو گرفتار کیا گیا۔
ان کا کہنا تھا کہ ارشد کینیا گئے ، جو پاکستان سے بھی زیادہ غیر محفوظ ہیں، وہاں میرا شوہر قتل ہوگیا۔
شہید ارشد شریف کی اہلیہ نے کہا کہ سوشل میڈیاپرکردارکشی مہم اب بھی جاری ہے، اپنےملک میں غیرمحفوظ ہوں ، یونیسکو یا یواین میں ہیلپ لائن ہو، جہاں صحافی بدسلوکی رپورٹ کرسکیں
جویریہ صدیق کا مزید کہنا تھا کہ پیشے کی وجہ سےاگر صحافی اپنے ہی ملک میں خود کو اجنبی سمجھنے لگیں تو انہیں یونیسکو یا اقوام متحدہ سے فوری مدد ملنی چاہیے۔
