The news is by your side.

Advertisement

دنیا تاریخ دانوں کی نظرسے دیکھیں

کراچی: جامعہ کراچی کے شعبہ تاریخ کی جانب سے چار روزہ ہسٹری آرٹ ایگزیبیشن کا انعقاد کیا ہے جس میں شہر قائد سے تعلق رکھنے والے تاریخ اور ویژول آرٹس کے مداح شریک ہورہے ہیں۔

شعبہ تاریخ کے طلبہ کی جانب سے منعقد کی جانے والی اس آرٹس ایگزیبیشن کا عنوان ’دنیا! تاریخ دانوں کی نظر سے دیکھیں‘ رکھا گیا ہے ، اور یہ روزانہ دوپہر ایک بجے سے شام چار بجے تک شعبہ تاریخ میں 26 اکتوبر تک جاری رہے گ

ایونٹ کا افتتاح جامعہ کراچی کے شعبہ ویژول اسٹڈیز کی چیئر پرسن ’دُریہ قاضی‘ نے کیا اور اس موقع پر طلبہ طالبات کے علاوہ مختلف شعبہ ہائے زندگی سے تعلق رکھنے والے افراد بھی شریک تھے۔اس ایگزیبیشن میں شعبے کے طلبہ و طالبات کی جانب سے تاریخ کو آرٹ کے ذریعے پیش کرنے کے لیے اسکیچز، پینٹنگز، ماڈلز اور نقشہ جات کی مدد لی گئی ہے۔

مجموعی طور اس ایگزیبیشن کو 4 ادوار میں تقسیم کیا گیا ہے ۔ پہلا حصہ اس دنیا کی قدیم تاریخ کی منظر کشی کرتا ہے ، دوسرے حصے میں مسلم سلطنت اور یورپ کی تاریخ پر روشنی ڈالی گئی ہے ، تیسرے حصے میں جنوبی ایشیا اور یورپ کے قرونِ اولیٰ اور قرونِ وسطیٰ کو اجاگر کیا گیا ہے جبکہ چوتھا حصہ جدید نیوکلیائی دور کا نقشہ بھی آرٹ ہی کے ذریعے پیش کررہا ہے۔

روم کے کلوزیم کا ماڈل جاپان پر ایٹمی حملے کے مناظر میکاولی کا مجسمہہمایوں کا مقبرہ
دہلی سلطنت دور کے سکے چتورگڑھ کا قلعہ توانگ چائلڈ -ایک قدیم کھوپڑی کی نقل

کراچی کے مختلف تعلیمی اداروں کے طلبہ و طالبات اور ساتھ ہی مختلف شعبہ ہائے زندگی سے تعلق رکھنے والے افراد اس ایگزیبیشن سے لطف اندوز ہونے کے لیے جامعہ کراچی کا رخ کررہے ہیں۔

Comments

comments

یہ بھی پڑھیں