ہفتہ, جولائی 27, 2024
اشتہار

جنگلی حیات کو بچانے کے لیے مصنوعی جزیروں کی تعمیر

اشتہار

حیرت انگیز

دنیا بھر میں روز افزوں ہوتی انسانی ترقی نے ماحول اور جنگلی حیات کے لیے بے شمار خطرات کھڑے کردیے ہیں، تاہم اب ان نقصانات سے نمٹنے کے لیے مختلف اقدامات کیے جارہے ہیں۔

ایسی ہی ایک کوشش یورپی ملک نیدر لینڈز بھی کر رہا ہے۔ نیدر لینڈز میں سیلابی پانی سے بچاؤ کے لیے بے شمار رکاوٹیں تعمیر کی گئی ہیں کیونکہ ملک کا 2 تہائی حصہ سیلاب کے خطرات کا شکار ہے۔

- Advertisement -

ان تعمیرات کی وجہ سے نیدر لینڈز کی ایک بڑی جھیل مارکرمر نہایت آلودہ ہوچکی تھی۔ یہ جھیل مختلف اقسام کی آبی حیات، پرندوں اور جنگلی حیات کا مسکن ہے۔

تاہم جھیل کا پانی آلودہ ہونے کی وجہ سے یہاں سے اکثر جانور اور پرندے ہجرت کرچکے تھے جبکہ مختلف آبی حیات کی آبادی بھی کم ہوچکی تھی۔

اب نیدر لینڈز اس جھیل پر 5 جزیرے تعمیر کر رہا ہے تاکہ ان جنگلی حیات کو واپس لایا جاسکے۔ جزیروں کی تعمیر کے ساتھ ساتھ بڑے پیمانے پر جھیل کی صفائی بھی کی جارہی ہے۔

نیدر لینڈز کی یہ کوششیں رنگ لارہی ہیں اور یہ جھیل پھر سے حیاتیاتی تنوع سے آباد ہونا شروع ہوگئی ہے۔ ایک وقت میں جنگلی حیات کے لیے خطرہ بنی ہوئی یہ جھیل اب ان کی جنت بن چکی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں