لاہور: مصنوعی بارش کے لیے لاہور میں کلاؤڈ سیڈنگ کے لیے سیسنا جہاز کے ذریعے راکٹ فائر کیے جائیں گے۔
ذرائع وزارت خزانہ کے مطابق اسموگ کی روک تھام کے لیے راکٹ فائر کے ذریعے کلاؤڈ سیڈنگ کرنے کی تیاریاں کی جا رہی ہیں، کلاؤڈ سیڈنگ کے لیے سیسنا جہاز کے ذریعے راکٹ فائر کیے جائیں گے۔
اسموگ انڈکس بڑھنے سے بچوں کو اسکولوں میں چھٹیاں دینے کی تجویز بھی زیر غور ہے۔
ذرائع کا کہنا ہے کہ لاہور میں مصنوعی بارش پر 35 کروڑ روپے تخمینہ آئے گا، بارش کے لیے ہوا میں 40 فی صد سے زائد نمی اور بادلوں کا ہونا ضروری ہے، 5 ہزار مربع فٹ بلندی پر بادلوں کے اوپر جہاز کے ذریعے سیڈ پھینکے جائیں گے۔
مصنوعی بارش کے لیے محکمہ موسمیات اور محکمہ ماحولیات کا بڑا کردار ہے، دونوں محکموں کے احکامات پر کلاؤڈ سیڈنگ راکٹ فائر کیے جائیں گے، جب کہ کلاؤڈ سیڈنگ کے لیے فنڈز کی منظوری وزارت خزانہ دے گی۔
