زندگی کے کسی بھی معاملے میں میانہ روی انتہائی اہمیت کی حامل ہے جس کو اختیار کرکے انسان اپنے رشتوں کو بہتر انداز میں بخوبی نبھا سکتا ہے۔
اس حوالے سے اے آر وائی ڈیجیٹل کے پروگرام گڈ مارننگ پاکستان میں پاکستان ڈرامہ انڈسٹری کی خوبرو اداکارہ اور تماشہ سیزن ٹو کی فاتح نے اپنے عزیز واقارب سے معاملات سے متعلق اہم باتیں ناظرین سے شیئر کیں۔
ایک سوال کے جواب میں عروبہ مرزا نے بتایا کہ میری والدہ نے ہمیشہ مجھے اس بات کی نصیحت کی کہ کوئی بھی فیصلہ جلد بازی میں نہیں کرنا چاہیے اور کسی سے دوستی کرنی ہو تو اس حد تک کرو کہ اگر دشمنی ہوجائے تو تم کو شرمندگی نہ ہو۔
والدہ نے کہا کہ اسی طرح اگر کسی سے دشمنی ہو جائے تو وہ بھی اس قدر شدت کی نہ ہو کہ دوستی کرنا پڑجائے تو تم آنکھ اٹھا کر بات نہ کرسکو، کسی بھی معاملے میں انتہا پسندی بالکل نہیں ہونی چاہیے۔
مزید پڑھیں : جب عروبہ مرزا کو ان کی والدہ نے تھپڑ مارا
واضح رہے کہ اداکارہ عروبہ مرزا اے آر وائی ڈیجیٹل کے ڈرامہ سیریل ’میرے ہی رہنا‘ میں ’انو، انیلا‘ کا کردار بہت خوبصورتی سے نبھایا، جس کے دیگر فنکاروں میں سید جبران، سبحان اعوان، شہروز سبزواری، کرن حق، اریج محی الدین، فیضان شیخ، پروین اکبر، ندا ممتاز بھی شامل تھے۔