بھارتی فاشزم، کشمیریوں کی حمایت پر ارون دھتی رائے کیخلاف بغاوت کا مقدمہ چلے گا

ہندوستان کی معروف مصنفہ اور بھارتی فاشزم کے خلاف بولنے والی خاتون ارون دھتی رائے کے خلاف نریندر مودی کے دور حکومت میں بغاوت کا مقدمہ چلانے کی تیاری کی جارہی ہے۔

کئی ناولوں کی خالق ارون دھتی رائے بوکر پرائز جیتنے کا اعزاز بھی رکھتی ہیں۔ بھارتی حکومت نے کشمیریوں کے حق میں آواز بلند کرنے کے باعث ان کے خلاف بغاوت کے مقدمے کی اجازت دے دی ہے۔

ارون نے 2010میں اپنے ایک خطاب کے دوران کشمیریوں کی حمایت کی تھی اور اسی جرم پر ان کے خلاف مقدمہ دائر کیا جارہا ہے۔

کشمیریوں کے حوالے سے خطاب کے بعد انتہا پسند مشتعل ہوگئے تھے اور اس وقت انتہا پسند ہندوؤں نے ان کے گھر کو گھیرے میں لے لیا تھا۔

واضح رہے کہ سینٹرل یونیورسٹی آف کشمیر کے پروفیسر شیخ شوکت حسین کے ساتھ ساتھ 61 سالہ ارون دھتی رائے کے خلاف بھی بغاوت کا مقدمہ دائر کیا جائے گا۔

Comments