اسلام آباد: سال 2018 کے آگاہی ایوارڈز برائے صحافت کا اعلان کردیا گیا، عوامی رائے اور پسندیدگی کی بنیاد پر اے آر وائی نیوز کو مقبول ترین چینل قرار دیا گیا۔
تفصیلات کے مطابق آگاہی ایوارڈز سال 2018 کی سالانہ تقریب کا انعقاد وفاقی دارالحکومت میں کیا گیا جس میں عوامی سروے کی بنیاد پر اے آر وائی نیوز کو چینل آف دی ایئر قرار دیا گیا۔
#AGAHIAwards #AGAHIAwards2018 #shapingthefutureofjournalism #journalisminPakistan #awardwinner #ARYNews pic.twitter.com/hIefphdk3m
— Agahi Awards (@AgahiAwards) December 9, 2018
اے آر وائی نیوز نے 2018 کا پسندیدہ اور سب سے زیادہ دیکھے جانے والے چینل کا ایوارڈ جیتا جبکہ مقبول ترین اینکر پرسن کا ایوارڈ بھی اے آر وائی کے نام رہا۔
Many congratulations to Arshad Sharif on receiving this award. #AGAHIAwards2018 #AGAHIAwards
— Agahi Awards (@AgahiAwards) December 9, 2018
اےآروائی نیوزکےسینئر اینکر پرسن ارشد شریف پاکستان کے مقبول اینکر قرار پائے انہیں آگاہی کی جانب سے کرنٹ افیئر کا ایوارڈ دیا گیا۔
آگاہی ادارے نے حاصل ہونے والی درخواستوں کو مدنظر رکھتے ہوئے ایک 60 رکنی کمیٹی تشکیل دی تھی۔ کمیٹی اراکین نے انتہائی سخت جانچ پڑتال کے عمل کے بعد فاتح صحافیوں کا فیصلہ کرتے ہوئے ایوارڈز کا اعلان کیا۔
یاد رہے کہ گزشتہ دو برس سے اے آر وائی نیوز کو چینل آف دی ایئر کا ایوارڈ حاصل کررہا ہے، علاوہ ازیں مختلف کیٹیگریز میں بھی اے آر وائی کے صحافی فاتح قرار پائے جا چکے ہیں۔
