کراچی : اے آر وائی نیٹ ورک کے صدر اور سی ای او سلمان اقبال نے کہا ہے کہ وزیر اعظم شہباز شریف نے ارشد شریف قتل کیس میں معتبر انکوائری کمیشن کی یقین دہانی کرائی لیکن اپنا وعدہ پورا نہیں کیا۔
سماجی رابطے کی ویب سائٹ ٹوئٹر پر اپنے ایک پیغام میں ان کا کہنا ہے کہ وزیراعظم نے ارشد شریف کی شہادت پر معتبر انکوائری کمیشن نہیں بنایا، معتبر انکوائری کمیشن ہی تحقیقات میں شفافیت یقینی بناسکتا ہے۔
Despite PM’s assurance he’s failed to appoint a credible Commission of Inquiry into Arshad Sharif’s death in order to ensure transparency. An independent SC Inquiry Comission with sitting judges must be established with @UNHumanRights support to secure #JusticeForArshadSharif https://t.co/VDmVFgiAHn
— Salman Iqbal ARY (@Salman_ARY) October 31, 2022
سلمان اقبال نے اپنے پیغام میں کہا کہ سپریم کورٹ کا مکمل خود مختار انکوائری کمیشن ہی ایسا کرسکتا ہے، سپریم کورٹ کے موجودہ ججوں پر ہی انکوائری کمیشن بننا چاہئے۔
انہوں نے کہا کہ سپریم کورٹ انکوائری کمیشن کو اقوام متحدہ کی حمایت بھی حاصل ہو، سپریم کورٹ انکوائری کمیشن سے ہی ارشد شریف کو انصاف مل سکتا ہے۔
My statement. #ArshadSharifShaheed @UNHumanRights #pfuj pic.twitter.com/7D2o58ng7t
— Salman Iqbal ARY (@Salman_ARY) October 28, 2022
واضح رہے کہ شہید صحافی ارشد شریف کی والدہ نے حکومت کی جانب سے بنایا گیا تحقیقاتی کمیشن مسترد کردیا ہے۔ انہوں نے انکوائری کمیشن کو وزیراعظم کے بیان سے متصادم قرار دیتے ہوئے کہا کہ میرے بیٹے کے قتل پر سیاست نہ کھیلی جائے۔
مزید پڑھیں : ارشد شریف قتل کی تحقیقات، حکومت کا ایک اور فیصلہ سامنے آگیا
یاد رہے کہ حکومت نے شہید صحافی ارشد شریف کے قتل کی تحقیقات کے لیے جسٹس (ر)عبد الشکور پراچہ کی سربراہی میں ایک تحقیقاتی کمیشن بنانے کا فیصلہ کیا ہے۔
اس حوالے سے ذرائع کا کہنا ہے کہ کمیشن کیلئے منظوری سرکولیشن سمری کے ذریعے آج ہی لی جائے گی ارشد شریف کے قتل کی تحقیقات کیلئے کمیشن کی منظوری وفاقی کابینہ دے گی۔
