مداحوں کی انتظار کی گھڑیاں ختم ہوگئیں، اے آر وائی ڈیجیٹل پر اداکارہ ہانیہ عامر اور فہد مصطفیٰ کا نیا ڈراما ’کبھی تم کبھی میں‘ کا آج سے آغاز ہورہا ہے۔
مذکورہ ڈراما سیریل آج رات 8 بجے سے اے آروائی ڈیجیٹل پر نشر ہوگا، میگا ڈرامہ سیریل ہر پیر اور منگل کو رات آٹھ بجے صرف اے آروائی ڈیجیٹل پر نشر کیا جائے گا۔
ڈرامہ کبھی میں کبھی تم سے پاکستان کے فیورٹ ہوسٹ فہد مصطفیٰ نے اداکاری کی دنیا سے طویل عرصے دوری اختیار کرنے کے دس سال بعد واپسی کی ہے، ڈرامے میں فہد مصطفیٰ کو ہانیہ عامر کے ساتھ آپ دیکھ سکیں گے۔
View this post on Instagram
دیگر کاسٹ میں بشریٰ انصاری، عماد عرفانی، جاوید شیخ ودیگر شامل ہیں، اس ڈرامے کی کہانی فرحت اشتیاق نے لکھی ہے، اس کے ہدایت کار بدر محمود ہیں جبکہ اسے فہد مصطفیٰ اور ڈاکٹر علی کاظمی نے پروڈیوس کیا ہے۔
اس آنے والے ڈرامے کا پہلا منظر، ٹیزر اور ٹریلر لانچ کیا جاچکا ہے، ہانیہ عامر اور فہد مصطفیٰ کے مداح ڈرامے کے ٹیزر کو بے حد پسند کر رہے ہیں اور ڈرامے کے منتظر ہیں۔
