اے آر وائی ڈیجیٹل کے ڈرامہ سیریل ‘فراڈ‘ کے سیٹ سے نعیمہ بٹ (طوبیٰ) کی مزاحیہ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر نعیمہ بٹ نے نئی ویڈیو ڈرامے کے سیٹ سے شیئر کیں جسے مداحوں کی جانب سے سراہا جارہا ہے۔
ڈرامہ سیریل ’فراڈ‘ میں نعیمہ بٹ شان کی سوتیلی بہن ’طوبیٰ‘ کا کردار نبھا رہی ہیں، ڈرامے کی لیڈ کاسٹ میں احسن خان، صبا قمر، میکال ذوالفقار، محمود اسلم، ندا ممتاز، اسما عباس، رابعہ کلثوم، عدنان صمد، سیفی حسن، نازلی نصر ودیگر شامل ہیں۔
View this post on Instagram
گزشتہ روز نعیمہ بٹ نے ڈرامے کے سیٹ سے ویڈیو شیئر کی جس میں احسن خان (تبریز) کے ساتھ وہ ڈنر پر جاتی ہیں۔‘
وائرل سیلفی ویڈیو میں ’نعیمہ بٹ کے کلوز اپ سے شروع ہوتی ہے اور بعد میں احسن خان کو دیکھتے ہی دیکھتے کیمرہ ان کی طرف بڑھایا گیا ہے۔‘
’ابھی تو دوستی بھی نہیں ہوئی اور آپ نے دل لگی کی باتیں شروع کردیں‘
کلپ کے پس منظر میں ہالی ووڈ فلم کا مقبول گانا ’لو میں لائیک یو ڈو۔‘ بھی سنا جاسکتا ہے۔
نعیمہ بٹ نے ویڈیو شیئر کرتے ہوئے کیپشن میں لکھا کہ ’آپ کو ڈرامہ سیریل فراڈ میں ’شاہ جی‘ اور ’طوبیٰ‘ کی کہانی کیسے لگی کمنٹس کرکے بتائیں۔
View this post on Instagram
مداحوں کی جانب سے بھی اداکارہ کی تعریف کی جارہی ہے اور ڈرامے کی اسٹوری کو بھی پسند کیا جارہا ہے۔
واضح رہے کہ ڈرامے میں احسن خان نعیمہ بٹ کو دھوکا دینے کے لیے پھنسا رہے ہیں جس کے بعد وہ مائرہ کی طرح ان کی بھی جائیداد لوٹ کر فرار ہونے کا ارادہ رکھتے ہیں کیا وہ اپنے مقصد میں کامیاب ہوپائیں گے یہ جاننے کے لیے ’فراڈ‘ کی اگلی قسط ہر ہفتے کی رات 8 بجے دیکھیں۔
ڈرامے کی ہدایت کے فرائض ثاقب خان نے انجام دیے ہیں جبکہ اس کے لکھاری زنجبیل عاصم شاہ ہیں۔
View this post on Instagram
