اے آر وائی ڈیجیٹل کے ڈرامہ سیریل ’مقدر کا ستارہ‘ میں رمہا احمد (نتاشا) نے شادی سے انکار کردیا۔
اے آر وائی ڈیجیٹل کے ڈرامہ سیریل ’مقدر کا ستارہ‘ میں بابر علی (صفدر)، نادیہ حسین (صفدر کی اہلیہ)، فاطمہ آفندی (ہادیہ)، آریز احمد (صفدر کے بیٹے فیضان)، رمہا احمد (فیضی کی بہن)، لائبہ خان (ہادیہ کی بہن)، عنایت خان (راضی)ودیگر اداکاری کے جوہر دکھا رہے ہیں۔
ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔
گزشتہ قسط میں دکھایا گیا کہ ’فیضی اور ہادیہ‘ کے رشتے کے بعد صفدر کی خواہش ہے کہ ان کی بیٹی کی بھی راضی سے شادی ہوجائے۔‘
’لیکن نتاشا والدہ کو یہ کہتے ہوئے صاف انکار کردیتی ہیں کہ ’جس شخص کو میں پہلے ہی سی مسترد کرچکی ہوں بابا چاہتے ہیں کہ میں اسی سے شادی کرلوں۔‘
’والدہ کی جانب سے انہیں سمجھایا جاتا ہے وہ کہتی ہیں کہ ’میں بھی چاہتی ہوں کہ تم شادی کے بعد میرے سامنے رہو اور تمہارے بابا کے فیصلے پر کوئی انکار نہیں کرسکتا لیکن وہ والدہ کو اپنا فیصلہ سنا کر چلتی بنتی ہیں۔‘
کیا نتاشا اس رشتے کے لیے رضامند ہوجائیں گی؟ کیا ہادیہ کی بہن فضا کی شادی نتاشا کے لیے پسند کیے گئے لڑکے سے ہوں گی، کیا فیضی اور ہادیہ کی مشکلات مزید بڑھ جائیں گی؟ یہ جاننے کے لیے مقدر کا ستارہ کی اگلی قسط دیکھیں۔
