اے آر وائی ڈیجیٹل کے نئے ڈرامہ سیریل ’بے بی باجی‘ میں اداکاری کے جوہر دکھانے والی اداکارہ فائزہ خان کا کہنا ہے کہ اس ڈرامے میں کام کرکے مجھے بہت لطف آیا۔
اے آر وائی ڈیجیٹل کے پروگرام گڈ مارننگ پاکستان میں ڈرامہ بے بی باجی کی کاسٹ میں شامل فائزہ خان نے اپنے کردار کے حوالے سے ناظرین کو آگاہ کیا۔
ان کا کہنا تھا کہ میں نے اس ڈرامے میں بہت انجوائے کیا اور یقیناً دیکھنے والوں کو بھی بہت مزہ آئے گا، ان کا کہنا تھا کہ سعود بھائی کے ساتھ کام کرنے کا یہ میرا پہلا تجربہ ہے۔
واضح رہے کہ ڈرامہ سیریل ’بے بی باجی‘ میں سینئر اداکارہ ثمینہ احمد، سعود قاسمی، جویریہ سعود، حسن احمد، سنیتا مارشل، جنید جمشید نیازی، سیدہ طوبیٰ انور فائزہ خان، فضل حسین، عینا آصف ودیگر اداکاری کے جوہر دکھا رہے ہیں۔
اس ڈرامے کی کہانی منصور احمد خان نے لکھی ہے جبکہ اس کی ہدایت کاری کے فرائض تحسین خان نے انجام دیے ہیں۔
بے بی باجی میں دکھایا گیا ہے کہ ماں باپ کس طرح گھر والوں کو اکٹھا کرکے رکھتے ہیں اور بہوؤں کے آنے کے بعد گھر کا بٹوارہ شروع ہوجاتا ہے۔
