The news is by your side.

Advertisement

کرکٹ کے دیوانوں کا اپنا شو ’ہرلمحہ پرجوش‘ کا شاندار آغاز

کراچی: پی ایس ایل سیزن 5 کا آغاز ہوگیا، کرکٹ کے دیوانوں کے لیے اچھی خبر یہ ہے کہ اے آر وائی نیوز پر پی ایس ایل کے رواں سیزن کا بھی سب سے بڑا کرکٹ شو ’ہر لمحہ پرجوش‘ روزانہ رات 11 سے 12 بجے تک نشر ہوگا۔

وسیم بادامی کے معصومانہ سوالات اور منفرد انداز، پروگرام کی خاص بات ہے، شو میں مختلف شخصیات کا روپ دھارے شفاعت علی بھی اپنے فن کا جادو جگائیں گے جبکہ چائلڈ‌ اسٹار احمد شاہ بھی جیوری کا حصہ ہیں۔

میچ پر تبصرے کے لیے سابق کھلاڑیوں کی ٹیم زبردست تجزیہ کرے گی جن میں معروف بلے باز باسط علی اور سابق بولر تنویر احمد شامل ہیں جبکہ چائلڈ اسٹار احمد شاہ (ڈاکٹر) صاحب بھی پروگرام کا حصہ ہیں۔

وسیم بادامی نے احمد شاہ سے آج کے میچ کی فاتح ٹیم کے بارے میں دریافت کیا تو انہوں نے اسلام آباد یونائیٹڈ کا نام لیا۔


پروگرام میں روزانہ ایک مہمان کو مدعو کیا جائے گا جس کو ’معصومانہ کھیل سیگمنٹ میں وسیم بادامی کے معصومانہ سوالات کا جواب دینا ہوگا۔

پہلے پروگرام کی جھلکیاں

شفاعت علی مسلم لیگ ن کے صدر شہباز شریف کا روپ دھار کر آئے اور انہوں نے پروگرام میں سیاسی صورت حال پر مزاحیہ جملے ادا کر کے حاضرین کے چہروں‌ پر مسکراہٹیں بکھیریں۔

جنون بینڈ کے گلوکار اور معروف گٹارسٹ علی عظمت مہمان خصوصی کے طور پر شریک ہوئے۔

باسط علی اور تنویر احمد نے آج اور کل کے میچ کے حوالے سے اپنی ماہرانہ رائے پیش کی۔

کراچی کنگز کے مالک اور اے آر وائی ڈیجیٹل کے صدر و سی ای او سلمان اقبال نے شائقین سے اپیل کی کہ ’دشمنوں نے ہماری کرکٹ پر گہری نظر رکھی ہوئی ہے، آپ اسٹیڈیم بھر کر انہیں بھرپور جواب دیں‘۔

سماجی رابطے کی ویب سائٹ پر صارفین نے ہر لمحہ پرجوش شروع ہونے پر مسرت کا اظہار کیا۔

fb-share-icon0
Tweet 20

Comments

comments

یہ بھی پڑھیں