اے آر وائی نیٹ ورک کی جانب سے اہل وطن کو سال نو پر دل کی گہرائیوں سے مبارک دی گئی ہے اور 2025 کو خوش آمدید کہا گیا ہے۔
پاکستان میں سال نو کا جشن بھرپور انداز میں منایا جارہا ہے، کراچی سمیت شہرشہر آتش بازی کی جارہی ہے، اےآروائی نیٹ ورک کی جانب سے اہل وطن کو سال نو کی بھرپور مبارکباد دی گئی ہے جبکہ شہر شہر ہونے والے جشن کو بھی بہترین طور پر دکھایا جارہا ہے۔
لوگوں نے رات 12 بجتے ہی 2024 کو الوداع کہا اور 2025 کو خوش آمدید کہا، اس سے قبل جاپان، ہانگ کانگ اورتائیوان میں بھی 2025 کا شاندار طریقے سے آغاز ہوا۔
ہانگ کانگ میں وکٹوریہ ہاربر پر سال نو کا جشن منایا گیا اور آتش بازی کا شاندار مظاہرہ کیا گیا، تائیوان کے ٹائی پےٹاورپرآتش بازی کی گئی اور آسمان پررنگ بکھرگئے۔
نیوزی لینڈ میں بھی نئے سال کا شاندار آغاز ہوا، آکلینڈ میں بھرپور آتش بازی سے آسمان جگمگا اٹھا، آسٹریلیا میں بھی سڈنی ہاربر پر نئے سال کو خوش آمدید کہا گیا۔
