کراچی : شہرقائدمیں قانون نافذ کرنے والے اداروں نے اے آروائی نیوز پر حملے میں ملوث ایم کیو ایم کی دو خواتین کارکنوں کوگرفتار کر لیاگیا.
تفصیلات کےمطابق رینجرز اور پولیس نے اے آروائی نیوز پر حملے میں ملوث ماں اور بیٹی کو گرفتار کیا گیا ہے.دونوں خواتین اے آروائی نیوز پر حملے میں ملوث تھیں.
*اے آروائی نیوزکے دفتر پرحملہ: مرکزی ملزم رنچھوڑ لائن سے گرفتار
چھاپے کے دوران گرفتار ہونے والی ملزمہ رابعہ ایم کیو ایم کی خواتین ونگ کی جوائنٹ انچارج ہے جبکہ عینی بلدیاتی انتخابات میں ایم کیو ایم کی جانب سے کونسلر منتخب ہوئی تھی.
*رینجرز کی کارروائی، لندن سیکریٹریٹ سے تعلق رکھنے والے عسکری گروپ کے کارندے گرفتار
ذرائع کا کہنا ہے کہ دونوں خواتین کوسی سی ٹی وی فوٹیج کی مدد سے شناخت کرنے کے بعد گرفتار کیا گیا ہے اور مزید تفتیش کےلیے وویمن پولیس ساﺅتھ کے حوالے کر دیا گیا ہے.
*لائنزایریا میں چھاپہ، اے آر وائی پر حملہ کرنے والی 2 خواتین گرفتار
یاد رہے کہ دو روز قبل قانون نافذ کرنے والے اداروں کا لائنز ایریا میں ایم کیو ایم کے دفتر پر چھاپہ مار کر اے آر وائی کے دفتر پر حملہ کرنے والی دو خواتین گرفتار کی تھیں جنہیں تفتیش کے لیے نامعلوم مقام پر منتقل کردیا گیاتھا.
*کراچی: ایم کیو ایم کارکنان کا اے آر وائی نیوز کے دفتر پر حملہ
واضح رہے کہ 22 اگست کو ایم کیو ایم کے قائد کی جانب سے پاکستان مخالف تقریر کی گئی جس کے بعد اے آر وائی نیوز کے دفتر پر ایم کیو ایم کے مشتعل کارکنان نے حملہ کیاتھا،کارکنان نے دفتر میں توڑ پھوڑ کی اور ملازمین کو بھی ہراساں کیاتھا.