The news is by your side.

سندھ حکومت میٹرک امتحانات میں نقل روکنے میں ناکام، اے آر وائی نیوز نے بھانڈا پھوڑ دیا

کراچی: سندھ حکومت میٹرک کے امتحانات میں نقل روکنے میں نا کام ہو گئی ہے، امتحانات کو کمائی کا ذریعہ بنا لیا گیا، اے آر وائی نیوز نے بھانڈا پھوڑ دیا۔

تفصیلات کے مطابق سندھ میں میٹرک امتحانات کے دوران نقل زوروں پر ہے، حکومت نقل روکنے میں نا کام نظر آئی، اے آر وائی نیوز نے پیسے لے نقل کرانے کا بھانڈا پھوڑ دیا۔

اے آر وائی نیوز کے پروگرام ’’ذمہ دار کون‘‘ کی ٹیم نے طلبہ سے پیسے لے کر نقل کرانے کی نشان دہی کر دی جس کے بعد وزیرِ اعلیٰ سندھ مراد علی شاہ کی ٹیم بھی پہنچ گئی۔

کراچی میں واٹس ایپ گروپس پر حل شدہ پرچے ملنے کا انکشاف ہوا، پیپلز پارٹی سندھ کے جنرل سیکریٹری وقار مہدی کہتے ہیں کہ سینئر سپرنٹنڈنٹ اور ڈپٹی سپرنٹنڈنٹ کو معطل کر دیا گیا ہے۔

یہ بھی پڑھیں:  وزیراعلیٰ سندھ کا سکھر میں میٹرک کے امتحانات میں نقل کا نوٹس

دوسری طرف چیئرمین میٹرک بورڈ سعید الدین نے واٹس ایپ گروپس کے خلاف کارروائی کے لیے ایف آئی اے کو خط بھیج دیا ہے۔

خیال رہے کہ وزیرِ اعلیٰ سندھ نے سکھر میں میٹرک کے امتحانات میں طلبہ کی جانب سے نقل کرنے کے واقعات کا سختی سے نوٹس لیتے ہوئے تعلیمی بورڈ کے کنٹرولر امتحانات کو معطل کر دیا۔

واضح رہے کہ کراچی سمیت سندھ بھر میں میٹرک کے امتحانات کا آغاز ہو چکا ہے، امتحانات کے پہلے ہی روز بوٹی مافیا نے اپنا کام دکھاتے ہوئے گھوٹکی، سکھر اور بدین میں پرچے شروع ہونے سے قبل واٹس ایپ پر شیئر کر دیے۔

Comments

یہ بھی پڑھیں