The news is by your side.

Advertisement

آریان خان کی ضمانت منظور ہو گئی

ممبئی: منشیات کیس میں شاہ رخ کے بیٹے آریان خان کی ضمانت منظور ہو گئی۔

تفصیلات کے مطابق منشیات کیس میں گرفتاری کے 3 ہفتے بعد بالی ووڈ بادشاہ کے بیٹے آریان خان کی ضمانت منظور کر لی گئی۔

اس کیس میں آریان خان کے 2 دوستوں ارباز مرچنٹ اور مُنمن دمیچا کی درخواست ضمانت بھی منظور ہو گئی ہے۔ عدالت اپنا تفصیلی حکم کل سنائے گی، اور تینوں ملزمان کل یا ہفتے تک جیل سے رہا ہوں گے۔

23 سالہ آریان خان کی درخواست ضمانت خصوصی عدالت کی جانب سے 20 اکتوبر کو مسترد کی گئی تھی، جس کے بعد ان کے وکلا نے ممبئی ہائی کورٹ میں ضمانت کی درخواست دائر کر دی تھی۔

یاد رہے کہ شاہ رخ کے بیٹے کو 2 اکتوبر کو انسداد منشیات فورس (این سی بی) نے کروز شپ سے منشات استعمال کرنے کے کیس میں گرفتار کیا تھا، اور ان کے قبضے سے بھاری مقدار میں متعدد اقسام کی منشیات برآمد کی تھی۔

بھارتی میڈیا کے مطابق عدالت میں پیش کی گئیں دستاویزات سے پتا چلتا ہے کہ آریان خان، منشیات سپلائرز اور منشیات فروشوں کے درمیان مستحکم تعلقات تھے۔

Comments

یہ بھی پڑھیں