The news is by your side.

لاک ڈاؤن سے متعلق اسدعمر کا اہم بیان

نیشنل کمانڈ اینڈ آپریشن کے سربراہ اسدعمر نے اومیکرون ویرینٹ کے پیش نظر لاک ڈاؤن کے ‏فوری نفاذ کے امکان کو رد کر دیا۔

ایک بیان میں این سی او سی کے سربراہ اسدعمر نے کہا کہ اومیکرون کیسز میں بتدریج اضافہ ‏جاری ہے موجودہ حالات میں لاک ڈاؤن کا کوئی ارادہ نہیں ہے۔

اسدعمر نے کہا کہ حکومت اومیکرون کیسز پر مسلسل نظر رکھے ہوئے ہےحکومت کی اولین ‏ترجیح ویکسی نیشن میں تیزی لاناہے۔

اس سے قبل اسد عمر اور معاون خصوصی برائے صحت ڈاکٹر فیصل نے مشترکہ پریس کانفرنس کی ‏جس میں اسدعمر نے کہا اومیکرون دنیا میں تیزی سے پھیل رہاہے اومیکرون سے محفوظ رکھنے ‏کیلئے ویکسینیشن بہت اہم ہے۔

این سی او سی کے سربراہ کا کہنا تھا کہ اومی کرون جنوبی افریقہ سے پھیلنا شروع ہوا، اب پاکستان ‏میں بھی اومیکرون کے کیسز بڑھ رہےہیں، اس ویرینٹ کی رفتار بہت تیز ہے، عوام رش والی جگہوں ‏پر جانے سے گریزکریں، ماسک پہنیں اور احتیاطی تدابیر اپنائیں۔

اسدعمر کا کہنا تھا کہ جنوبی افریقہ کے بعدامریکا،برطانیہ میں بھی اومی کرون تیزی سے پھیلا، ‏جنوبی افریقہ میں اسپتال جانیوالےمریضوں کا700فیصد لوگوں کا اضافہ ہوا جبکہ امریکا اور برطانیہ ‏میں تقریب 300فیصد لوگ اسپتال گئے۔

Comments

یہ بھی پڑھیں