The news is by your side.

Advertisement

مقبوضہ کشمیر میں بھارتی حیوانیت پر دنیا کی خاموشی سوالیہ نشان ہے، اسد قیصر

اسلام آباد : اسپیکر قومی اسمبلی اسد قیصر نے کہا ہے کہ مقبوضہ کشمیر میں لاک ڈاؤن کو100دن مکمل ہوگئے، بھارتی حیوانیت پر دنیا کی خاموشی سوالیہ نشان ہے، پاکستان مظلوم کشمیریوں کے ساتھ کھڑا ہے۔

یہ بات انہوں نے مقبوضہ کشمیر میں کرفیو کے سو روز مکمل ہونے پر اپنے بیان میں کہی، اسد قیصر نے کہا کہ مقبوضہ وادی میں بھارتی بربریت نے انسانیت کو شرمادیا۔

اسپیکر قومی اسمبلی کا کہنا تھا کہ مقبوضہ وادی میں انسانی المیہ جنم لے چکا ہے، مقبوضہ کشمیر میں لاک ڈاؤن کو100دن مکمل ہوگئے، مقبوضہ وادی میں بھارتی حیوانیت پر دنیا کی خاموشی سوالیہ نشان ہے۔

انہوں نے کہا کہ کرفیو نے مقبوضہ وادی کے عوام کی زندگیوں کو اذیت ناک بنا دیا ہے، مقبوضہ وادی اوپن ایئر جیل کا منظر پیش کررہی ہے، مقبوضہ کشمیر میں اسکول بند اور اشیائے خورد نوش سمیت ادویات ناپید ہیں۔

دنیا مقبوضہ وادی میں بھارتی محاصرے کے خاتمے کیلئے اقدامات کرے، پاکستان جدوجہد آزادی میں مظلوم کشمیریوں کے ساتھ کھڑا ہے۔

Comments

comments

یہ بھی پڑھیں