سلام آباد: اسپیکر قومی اسمبلی اسد قیصر نے کہا ہے کہ کشمیر کے مسئلے کا حل بندوق سےنہیں بلکہ ووٹ سے کرایا جائے۔
تفصیلات کے مطابق اسپیکر قومی اسمبلی اسد قیصر نے اسلام آباد میں کشمیر پارلیمنٹری امن کانفرنس سے خطاب کرتے ہوئے کہا کہ کشمیر جیسےاہم مسئلہ پر اس کانفرنس کا انعقاد انتہائی اہم ہے، کشمیر دنیا کا ایک ایسا خطہ ہے جو تاریخ ہمیشہ پرامن رہا، قیام پاکستان سےپہلے ڈوگرہ راج میں کشمیر کاامن تباہ ہوا
اسد قیصر نے کہا کہ بنیادی انسانی حقوق کو کشمیریوں سے چھین لیا گیا ہے، ہر سال ہزاروں نوجوانوں کو گرفتار کیا جاتا ہے، کشمیر میں اب تک ڈیڑھ لاکھ کشمیریوں کے گھروں کو جلایا گیا، سید علی گیلانی ان تکلیفیں کوبرداشت کرتےکرتےدنیاسےچلےگئے، مقبوضہ کشمیر میں بے شمار خواتین کی آبروریزی کی گئی۔
یہ بھی پڑھیں:یہ وقت سیاست کا نہیں ابھی نہ سنبھلے توخدانخواستہ بڑا حادثہ ہوسکتا ہے،اسدقیصر
پارلیمنٹری امن کانفرنس سے خطاب کرتے ہوئے اسپیکر اسد قیصر نے مطالبہ کیا کہ اقوام متحدہ کے قوانین کے مطابق کشمیر میں رائے شماری کرائی جائے،کشمیر کے مسئلے کا حل بندوق سےنہیں بلکہ ووٹ سے کرایا جائے۔
اسپیکر قومی اسمبلی کا مزید کہنا تھا کہ کشمیر سارے کا سارا ہمارا ہے، کشمیر اور فلسطین کی آزادی کے لیے متحد ہو کر آواز بلند کی جائے۔
