The news is by your side.

Advertisement

زرعی پیداوار میں اضافہ ہی ملکی معیشت بہتر کر سکتا ہے: اسپیکر قومی اسمبلی

اسلام آباد: اسپیکر قومی اسمبلی اسد قیصر کا کہنا ہے کہ زرعی پیداوار میں اضافہ ہی ملکی معیشت کی حالت بہتر کر سکتا ہے، معیشت کی بہتری کے لیے کسان کو سہولیات دینی ہوں گی۔

تفصیلات کے مطابق اسپیکر قومی اسمبلی اسد قیصر اور مشیر خزانہ عبد الحفیظ شیخ کی ملاقات ہوئی، ملاقات میں ملک کی مجموعی معاشی صورتحال پر تبادلہ خیال کیا گیا۔

اسپیکر قومی اسمبلی اسد قیصر کا کہنا تھا کہ ہمیں کسان دوست پالیسیاں بنانا ہوں گی، معاشی پالیسیوں میں عام آدمی کے مسائل کے حل کو ترجیح دی جائے۔

انہوں نے کہا کہ زرعی پیداوار میں اضافہ ہی ملکی معیشت کی حالت بہتر کر سکتا ہے، کپاس جیسی اہم فصلوں کی بہتری کے لیے تاریخی فیصلے کرنے ہوں گے، معیشت کی بہتری کے لیے کسان کو سہولیات دینی ہوں گی۔

مشیر خزانہ عبدالحفیظ شیخ کا کہنا تھا کہ وفاقی حکومت کاروبار میں آسانیوں کے لیے اقدامات اٹھا رہی ہے، صنعتکاروں کے مسائل حل کر رہے ہیں۔

مشیر خزانہ کا کہنا تھا کہ کرنٹ اکاؤنٹ خسارے پر قابو پا لیا گیا، حکومت معیشت کی بہتری کے لیے بھرپور اقدامات اٹھا رہی ہے، وزیر اعظم عمران خان کی قیادت میں حکومت مشکل پر جلد قابو پالے گی۔

Comments

comments

یہ بھی پڑھیں