The news is by your side.

Advertisement

بھارتی حکومت کے فیصلوں سےاقلیتوں کو خطرہ لاحق ہے، اسد قیصر

ریاض: اسپیکر قومی اسمبلی اسد قیصر کا کہنا ہے کہ بھارتی حکومت کے فیصلوں سےاقلیتوں کو خطرہ لاحق ہے۔

تفصیلات کے مطابق ریاض میں اسپیکر قومی اسمبلی اسد قیصر نے چیئرمین سعودی شوریٰ کونسل سے ملاقات کی۔ اپوزیشن اور حکومتی اراکین کا پارلیمانی وفد بھی ملاقات میں شامل تھا۔

ملاقات میں دونوں ممالک کے درمیان پارلیمانی تعاون بڑھانے پر تبادلہ خیال کیا گیا، ملاقات میں امت مسلمہ سے متعلق امور بھی زیربحث آئے۔ پاکستان اور سعودی شوریٰ کونسل کے درمیان مفاہمی یاداشت پر بھی دستخط کیے گئے

سعودی شوریٰ نے کہا کہ اسلاموفوبیا سے نمٹنے کے لیے امت مسلمہ کا اتحاد ضروری ہے۔

اسپیکر قومی اسمبلی اسد قیصر نے سعودی ہم منصب کو مقبوضہ کشمیرمیں بھارتی مظالم سے آگاہ کیا۔ انہوں نے کہا کہ بھارتی حکومت کے فیصلوں سے اقلیتوں کو خطرہ لاحق ہے۔

اسد قیصر نے آئندہ سال اسلام آباد میں مجوزہ عالمی پارلیمانی کانفرنس سے متعلق آگاہ کیا۔ اسپیکر اسد قیصر نے کانفرنس کے انعقاد کے لیے سعودی تعاون پر اظہار تشکر کیا۔ اسد قیصر نے پارلیمانی وفد کے ہمراہ سعودی مجلس شوریٰ کا دورہ بھی کیا۔

یاد رہے کہ گزشتہ روز اسپیکر قومی اسمبلی اور پارلیمانی وفد سرکاری دورے پر سعودی عرب پہنچے تھے، اسپیکر اسد قیصر چیئرمین شوریٰ کونسل کی دعوت پرسعودی عرب کا دورہ کر رہے ہیں۔

Comments

یہ بھی پڑھیں