اسلام آباد: وزیر اعظم عمران خان نے کہا ہے کہ قومی اسمبلی میں کفایت شعاری کے اقدامات قابل تعریف ہیں۔

ان خیالات کا اظہار انھوں نے اسپیکر قومی اسمبلی، اسد قیصر سے ملاقات کے موقع پر کیا۔ وزیراعظم کا کہنا تھا کہ معاشی چیلنجزپر اداروں اور انفرادی سطح پر تعاون ضروری ہے۔

اس ملاقات میں پارلیمانی امور، ملکی سیاست اور درپیش چیلنجز پر تفصیلی تبادلہ خیال ہوا.

اس موقع پر اسپیکر قومی اسمبلی، اسد قیصر نے کہا کہ معاشی صورتحال کے پیش نظر کفایت شعاری اختیار کر رہے ہیں۔

وزیر اعظم کی قومی اسمبلی میں کفایت شعاری کےاقدامات کی تعریف کرتے ہوئے اس عمل کو جاری رکھنے کی تجویز دی.

اسپیکر سندھ اسمبلی اسد قیصر نے کہا کہ ملکی تاریخ میں پہلی بار قومی اسمبلی کا بجٹ سب سے کم رکھا گیا ہے.

مزید پڑھیں: ملک کی ترقی کے لئے چین کی طرح 450 وزراکو جیلوں میں ڈالنا ہوگا: وزیر اعظم

اسد قیصر نے وزیر اعظم کو29 جولائی کو ایشیا ریجن کانفرنس سے بھی آگاہ کیا، انھوں نے کہا کہ کانفرنس جنوبی ایشیا کو ترقی کی راہ پرگامزن کرنے میں معاون ثابت ہوگی.

اسپیکر اسد قیصر نے کہا کہ اسلام آبادمیں کانفرنس پارلیمانوں کوقریب لانےمیں سنگ میل ثابت ہوگی.

خیال رہے کہ آج وزیر اعظم عمران خان نے میانوالی کا دورہ کیا، جہاں انھوں نے نمل یونیورسٹی اسپتال اور میانوالی ایکسپریس کا افتتاح کیا.