لاہور : پنجاب اسمبلی میں وزیراعلیٰ پرویز الہٰی کے لیے اعتماد کے ووٹ کی کامیابی پر اسد عمر اور فواد چوہدری نے ٹویٹر پر اپنی خوشی کا اظہار کیا۔
سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما اسد عمر نے لکھا کہ الحمداللہ 186پاکستان زندہ باد۔
الحمد للہ 186. پاکستان زندہ باد
— Asad Umar (@Asad_Umar) January 11, 2023
دوسری جانب فواد چوہدری نے اپنے ٹوئٹ میں کہا کہ ووٹنگ مکمل ہوگئی ہے دومنٹ کیلئے گھنٹیاں بجائی جائیں گی،گھنٹیاں بجانے کے بعد اسپیکر گنتی کے نتائج کا اعلان کریں گے۔
چنوں منوں دیکھتے رہ گئے اور کاغذی شیر ایوان چھوڑ کر بھاگ گئے 🙂 pic.twitter.com/g7UNwW8DcK
— Ch Fawad Hussain (@fawadchaudhry) January 11, 2023
فواد چوہدری کا اپنے پیغام میں مزید کہنا تھا کہ چنوں منوں دیکھتے رہ گئے اور کاغذی شیر ایوان چھوڑ کر بھاگ گئے۔
اپنے ایک اور ٹوئٹ میں فواد چوہدری نے کہا کہ الحمداللہ! تحریک انصاف نے عادی شکست خوردہ ٹولے کو ایک بار پھر عبرت ناک شکست دے دی۔ تحریک انصاف اور ق لیگ کے 186 اراکین اسمبلی کا چوہدری پرویز الہٰی پر مکمل اعتماد کا اظہار کردیا۔
الحمداللہ! تحریک انصاف نے عادی شکست خوردہ ٹولے کو ایک بار پھر عبرت ناک شکست دے دی۔
تحریک انصاف اور ق لیگ کے 186 اراکین اسمبلی کا چوہدری پرویز الہٰی پر مکمل اعتماد کا اظہار۔ pic.twitter.com/pchLvTOHom
— Fawad Chaudhry (Updates) (@FawadPTIUpdates) January 11, 2023
واضح رہے کہ پنجاب اسمبلی اجلاس میں وزیر اعلیٰ پنجاب پرویز الٰہی پر اعتماد کے لیے ووٹنگ کا عمل مکمل کرلیا گیا جس میں 186 ارکان اسمبلی نے اپنا حق رائے دہی استعمال کرتے ہوئے ہاتھ اٹھا کر پرویز الٰہی پر اعتماد کا بھرپور اظہار کیا۔
یاد رہے کہ اے آر وائی نیوز سے سب سے پہلے یہ خبر بریک کی تھی کہ آج پنجاب اسمبلی میں وزیر اعلیٰ پرویز الہٰی کیلئے اعتماد کا ووٹ لیا جائے گا۔
