اسلام آباد : وزیرمنصوبہ بندی اسدعمر کا کہنا گرین لائن بس کی ویڈیو شیئر کرتے ہوئے کہا کراچی کے شہریوں کا انتظارتقریباً ختم ہوگیا۔
تفصیلات کے مطابق وزیرمنصوبہ بندی اسدعمر نے سماجی رابطے کی ویب سائٹ ٹوئٹر پر گرین لائن سروس کے چلنے کی ویڈیو شیئر کرتے ہوئے اپنے بیان میں کہا کہ جدید ٹرانسپورٹ سسٹم کیلئے کراچی کے شہریوں کا انتظارتقریباً ختم ہوگیا، وزیراعظم ٹرائل آپریشن شروع کرنےکیلئےجمعہ کوکراچی آرہےہیں۔
Karachi citizen’s wait for a modern transport system is almost over. PM @ImranKhanPTI coming to karachi friday to launch the trial operations. This video gives you a sneak peak intp what the greenline operation will look like pic.twitter.com/uENoGuojhM
— Asad Umar (@Asad_Umar) December 8, 2021
اس سے قبل وزیر منصوبہ بندی اسد عمر نے اپنے بیان میں بتایا تھا کہ انشاءاللہ کراچی گرین لائن منصوبہ کا دو ہفتے ٹرائل آپریشن ہوگا ، جس کے بعد 25 دسمبر کو کمرشل آپریشن کا آغاز کر دیا جائے گا، وزیراعظم عمران خان کراچی آکر منصوبے کا افتتاح کریں گے۔
یاد رہے کہ گرین لائن بس کا منصوبہ سنہ 2016 میں شروع ہوا تھا، اس منصوبے سے 25 لاکھ سے زائد افراد کو روزانہ سفری سہولیات مل سکیں گی ، پہلے مرحلے میں گرین لائن بس سروس سرجانی سے نمائش تک چلائی جائے گی۔
