اسلام آباد : تحریک انصاف کے رہنما اسد عمر کا کہنا ہے کہ امید ہے عدالت پیر کو الیکشن کمیشن کے فیصلے کو اڑا کر رکھ دے گی۔
تفصیلات کے مطابق تحریک انصاف کے رہنما اسد عمر نے میڈیا سے گفتگو کرتے ہوئے کہا کہ الیکشن کمیشن کا فیصلہ غیر قانونی ہے لیکن غیر متوقع نہیں ہے، الیکشن کمیشن کوشش میں ہے کیسے عمران خان کو نقصان پہنچایا جائے۔
اسد عمر کا کہنا تھا کہ ہمارے خلاف توہین الیکشن کمیشن کا فتویٰ جاری کیاہوا ہے، الیکشن کمیشن کے تمام فیصلے عدالتوں میں رد ہوئے، یہ فیصلہ بھی عدالت میں ردہوجائے گا۔
پی ٹی آئی رہنما نے کہا کہ مخالفین کو پریشانی ہے دوبارہ عمران خان کا مقابلہ نہ کرنا پڑ جائے، الیکشن کمیشن کے فیصلے کو پاکستان کے عوام نےپہلے ہی مسترد کردیا، امید ہے عدالت بھی الیکشن کمیشن کے فیصلے کو اڑا کر رکھ دے گی۔
ان کا کہنا تھا کہ الیکشن کمیشن پی ڈی ایم کا حلیف بن کیاگیا ہے، فیصلے میں مزید فرمائشیں بھی شامل کی جارہی ہیں۔
اسد عمر نے مزید کہا کہ قوم عمران خان کے ساتھ ہے، الیکشن کمیشن نے فیصلہ لکھ کر صرف سیاہی ضائع کیا ہے۔ پیر کو اسلام آباد ہائی کورٹ اس فیصلے کو اڑا دے گا۔
