چارسدہ : تحریک انصاف کے رہنما اسد عمر کا کہنا ہے کہ ‘نواز شریف جمہوریت نہیں بلکہ اپنی بادشاہت چاہتے ہیں۔

تفصیلات کے مطابق چارسدہ میں تحریک انصاف کے رہنما اسد عمر نے سا اس میں کوئی شک نہیں کہ پوری قوم عمران خان کے ساتھ کھڑی ہے ، عمران خان سچائی، دلیری سے حقیقی آزادی ،خودمختاری کی جنگ لڑ رہے ہیں۔

اسد عمر کا کہنا تھا کہ پاکستان عام انتخابات کی جانب جا رہا ہے، پی ڈی ایم پریشان ہے، انہیں اندازہ ہوچکا ہے عمران خان تمام ضمنی انتخابات جیت رہے ہیں۔

نواز شریف کے حوالے سے پی ٹی آئی رہنما نے کہا کہ نواز شریف پاکستان میں جمہوریت نہیں بلکہ اپنی مکمل بادشاہت چاہتے ہیں ، نواز شریف کی خواہش ہےکہ بادشاہ بن جائیں کوئی ان سےپوچھ گچھ نہ کرے۔

ملک میں سیلابی صورتحال پر ان کا کہنا تھا کہ 2010کے سیلاب میں خیبر پختونخوا میں بڑی تباہی آئی تھی ، عمران خان کی ہدایت پر صوبائی حکومت نے دریاؤں کے اردگردپ روٹیکشن وال تعمیر کیے، پروٹیکشن وال کی وجہ سے حالیہ سیلاب کی وجہ سے کم نقصانات ہوئے۔

اسد عمر نے مزید کہا کہ سندھ میں کوئی حکومت نہیں اس لیے وہاں سیلاب نے تباہی مچادی۔