اسلام آباد : قومی اسمبلی کی قائمہ کمیٹی برائے خزانہ کے چیئرمین اسد عمر نے کہا ہے کہ الحمداللہ! پاکستان کی بیٹنگ پہلےہے، اب صرف پانچ ساڑھے پانچ سو رنزکا سوال ہے، پاکستان نے ورلڈکپ میچ میں بنگلادیش کے خلاف ٹاس جیت کر بیٹنگ کا فیصلہ کیا ہے۔
تفصیلات کے مطابق قائمہ کمیٹی برائے خزانہ کا چیئر مین اسد عمر نے سماجی رابطے کی ویب سائٹ ٹوئٹر پر ورلڈ کپ میں بنگلادیش کیخلاف پاکستان کے بیٹنگ کے فیصلے پر کہا حمدا للہ پہلا مرحلہ تو خیر و عافیت سے گزر گیا، پاکستان کی بیٹنگ پہلےہے،اب صرف5 ساڑھے 500 رنزکا سوال ہے۔
الحمد للہ پہلا مرحلہ تو خیر و عافیت سے گزر گیا…. بیٹنگ پہلے ہے…. اب صرف پانچ ساڑھے پانچ سو رن کا سوال ہے
— Asad Umar (@Asad_Umar) July 5, 2019
پاکستان نے ورلڈکپ کے ڈو اور ڈائی میچ میں بنگلادیش کے خلاف ٹاس جیت کر بیٹنگ کا فیصلہ کیا ہے ، پاکستان کے سیمی فائنل میں رسائی کے امکانات انتہائی کم ہیں۔
پاکستان نے بنگلہ دیش کے خلاف 350 رنز بنائے تو حریف کو 311 رنز سے ہرانا ہوگا، اگر پاکستان بنگلہ دیش کے خلاف 400 رنز بنائے تو حریف کو 84 رنز پر آل آؤٹ کرنا ہوگا۔
مزید پڑھیں : پاکستان کا بنگلہ دیش کے خلاف ٹاس جیت کر بیٹنگ کا فیصلہ
ٹاس جیت کر پاکستانی کپتان سرفراز احمد کا کہنا تھا کہ کوشش کریں گے بڑا اسکور کریں، ہمیں پتہ ہے مارجن بہت بڑا ہے، کوشش کریں گے میچ جیتیں اور اچھا اختتام کریں
