The news is by your side.

’کیا نئی حکومتی پالیسی کی وجہ سے حالات تیزی سے بگڑ رہے ہیں؟‘

اسلام آباد: پی ٹی آئی کے سینیئر رہنما اسد عمر نے فوجی قافلے پر حملے میں جوانوں کی شہادت پر اظہار افسوس کرتے ہوئے سوال اٹھایا ہے کہ کیا نئی حکومتی پالیسی کی وجہ سے حالات تیزی سے بگڑ رہے ہیں؟

اسد عمر نے ٹوئٹ میں کہا کہ انھیں شمالی وزیرستان میں خود کش حملے میں 4 فوجی جوانوں کی شہادت پر افسوس ہے، اپنی جان کی پرواہ کیے بغیر ملک کا دفاع کرنے والے بہادر سپوتوں پر قوم کو فخر ہے۔

انھوں نے لکھا کہ تیزی سے بڑھتی دہشت گردی کے واقعات انتہائی تشویش کا باعث ہیں، قوم کو بتایا جائے کہ کن عوامل کی وجہ سے صورت حال خطرناک رخ اختیار کر رہی ہے۔

نشریات کی بندش: اے آر وائی کی لائیو ٹرانسمیشن یہاں دیکھیں

اسد عمر نے سوال اٹھایا کہ کیا یہ نئی حکومتی پالیسی ہے جس کی وجہ سے حالات تیزی سے بگڑ رہے ہیں؟

انھوں نے لکھا کہ بند کمروں میں خفیہ فیصلے جن کی قیمت عوام کے جان و مال سے دینی پڑے، ایسے فیصلے کسی صورت قوم کو قبول نہیں، ہم پہلے ہی ایسے فیصلوں کی بحیثیت قوم بہت بھاری قیمت ادا کر چکے ہیں۔

پی ٹی آئی رہنما کا موجودہ حالات میں پی ٹی آئی کی جدوجہد کے حوالے سے کہنا تھا کہ حق پر کھڑے چند افراد باطل کے سامنے جھکنے کو تیار نہ ہوں تو انھیں صدیوں یاد رکھا جاتا ہے، اور آنے والی نسلیں ان سے سبق سیکھتی ہیں۔

Comments

یہ بھی پڑھیں