اسلام آباد : سابق وفاقی وزیر اسد عمر کا کہنا ہے کہ پاکستان کو سری لنکا بنانے کی گھناؤنی سازش ایک نیا سنگ میل عبور کرگئی۔
تفصیلات کے مطابق سابق وفاقی وزیر اسد عمر نے سماجی رابطے کی ویب سائٹ ٹوئٹر پر ابتر معاشی صورتحال پر اپنے پیغام میں کہا کہ پاکستان کوسری لنکابنانےکی گھناؤنی سازش ایک نیاسنگ میل عبورکرگئی، ڈالر200کی حد سے تجاوز کرگیا، جاگو پاکستان، نکلو پاکستان کی خاطر، ملک بچانے کا وقت ہے۔
اس بیرونی مداخلت کے ذریعے پاکستان کو شری لنکا بنانے کی گھناؤنی سازش ایک نیا سنگ میل عبور کر گئی … ڈالر 200 کی حد سے تجاوز کر گیا. جاگو پاکستان. نکلو پاکستان کی خاطر. ملک بچانے کا وقت ہے.#امپورٹڈ_حکومت_نامنظور
— Asad Umar (@Asad_Umar) May 19, 2022
خیال رہے ڈالر کی اونچی اڑان جاری ہے ، اوپن مارکیٹ کے بعدانٹربینک میں بھی ڈالر نے ڈبل سنچری کرلی ، انٹربینک میں ڈالر ایک روپے اکسٹھ پیسے مہنگا ہو کر دوسو تک پہنچ گیا۔
اوپن مارکیٹ میں ڈالر 202 سے 205 روپے تک فروخت ہورہاہے، گیارہ اپریل سے اب تک ڈالر سولہ روپے پچاسی پیسے مہنگا ہوچکا ہے۔
فاریکس ایسوسی ایشن کے صدر ملک بوستان کا کہنا ہے کہ کمرشل بینک انٹر بینک میں ڈالر کی قیمت ایک روپے کم کریں تو ہم اوپن مارکیٹ میں دو روپے کم کر دیں گے۔