اسلام آباد : تحریک انصاف کے رہنما اسد عمرنے کہا ہے کہ آج تک کسی حکومت نے ایسی غلطی نہیں کی، وفاق نے ایک صوبے کو دوسرے صوبے سے کاٹنے کوشش کی، اجیت دودل نے کہا تھا پاکستان کے صوبوں کو آپس میں لڑائیں گے اور یہ بیان آج میرے کانوں میں گونج رہا ہے۔
ان خیالات کا اظہار تحریک انصاف کے رہنما نے اے آر وائی نیوز کے پروگرام آفدی ریکارڈ میں میزبان کاشف عباسی سے گفتگو کرتے ہوئے کیا۔
انہوں نے کہا کہ چوہدری نثارنے کل کہا تھا کہ میں نے موٹر وے کھولنے کا حکم دیا تھا۔ لیکن آج پھر موٹر وے کو بند کر دیا گیا۔
وفاق کے معاملا ت سے لگتا ہے کہ اسی پر کام کیا جارہا ہے، حکومت معاملات کس طرف لے جارہی ہے اسے سوچنا چاہیے، چوہدری نثار سیاسی مسائل کا حل ڈنڈے سےچاہتے ہیں۔
پیپلز پارٹی کے رہنما قمر زماں کائرہ نے پروگرام مٰیں گفتگو کرتے ہوئے کہا کہ ہم نے اتحادیوں سے مل کر اس مسئلے کا حل کرنے کا سوچا تھا۔
انہوں نے اپنے پچھلے دور کا حوالہ دیتے ہوئے کہا کہ کس طرح سہباز شریف نے لوڈ شیڈنگ پر ہمارے خلاف لاہور میں مظاہرے کیے اوراپنی تقاریر میں کیا کچھ نہیں کہا۔ لیکن وہ خود لوڈ شیڈنگ آج بھی ختم نہ کرسکے۔
