اسلام آباد : پاکستان تحریک انصاف کے رہنما اسد عمر کا کہنا ہے کہ تینوں جج اس بینچ میں تھے جس کے فیصلے سے عمران خان کی حکومت ختم ہوئی۔
تفصیلات کے مطابق پاکستان تحریک انصاف کے رہنما اسد عمر نے سماجی رابطے کی ویب سائٹ ٹوئٹر پر اپنے بیان میں کہا کہ تینوں جج اس بینچ میں تھے جس کے فیصلے سے عمران خان کی حکومت ختم ہوئی، عمران خان نے ڈائری اور پین اٹھایا اور عوام میں چلا گیا، وہ ان کے دل میں رہتا ہے، ان کا ماتم اس لیے شروع ہے ان کے لئے جانے کی جگہ نہیں جہاں عزت اور پیار ملے۔
یہ تینوں جج اس بنچ پر تھے جس کے فیصلے سے عمران خان کی حکومت ختم ہوئ. اس نے ڈائری اور پن اٹھایا اور اپنے عوام میں چلا گیا، کیونکہ ان کے دل میں رہتا ہے. ان کا ماتم اس لئے شروع ہے کیونکہ ان کو پتہ ہے ان کے لئے اب کوئی جانے کی جگہ نہیں جہاں عزت اور پیار ملے #مینڈیٹ_بمقابلہ_مافیا
— Asad Umar (@Asad_Umar) July 25, 2022
یاد رہے گذشتہ روز سپریم کورٹ نے ڈپٹی اسپیکر رولنگ کیس میں حکومتی اتحاد کی فل کورٹ بنانے کی درخواست مسترد کردی تھی۔
بعد ازاں حکمران اتحاد نے ڈپٹی اسپیکر رولنگ کیس میں فل کورٹ نہ بنانے کے فیصلے کو مسترد کرتے ہوئے عدالتی کارروائی کے بائیکاٹ کا اعلان کرتے ہوئے دھمکیوں پر اتر آئے تھے۔
