The news is by your side.

Advertisement

عمران خان کیخلاف شرانگیز حرکت ، اسد عمر نے حکومت کو خبردار کردیا

اسلام آباد : تحریک انصاف کے رہنما نے حکومت کو خبردار کیا ہے کہ عمران خان کیخلاف شرانگیزحرکت کی تو نتائج کی ذمےدار مکمل طور پر حکومت ہوگی۔

تفصیلات کے مطابق رات گئے پولیس کے چیئرمین پی ٹی آئی عمران خان کی رہائش گاہ کے محاصرے پر رہنما اسد عمر نے ردعمل دیتے ہوئے کہا امپورٹڈ سرکار طاقت کی بجائے عقل کےاستعمال کی کوشش کرے، افاقہ ہوگا، خوف و ہراس پھیلا کر پرامن جمہوری تحریک دبانا کٹھ پتلیوں کےبس کی بات نہیں۔

اسد عمر کا کہنا تھا کہ رات گئے پولیس قیدیوں کی گاڑی کے ہمراہ بنی گالہ پہنچی، اس قسم کی حرکتیں خود کٹھ پتلی سرکار کےسیاسی مستقبل پرتاریکیاں طاری کریں گی، نوجوانوں کی بڑی تعداددیکھ کرپولیس کی نفری نےواپسی کی راہ لی۔

پی ٹی آئی رہنما نے کہا کہ امپورٹڈسرکار ہوش کےناخن لے اور کسی قسم کےمس ایڈونچر سےگریز کرے، عمران خان کیخلاف شرانگیز حرکت کی تو نتائج کی ذمے دار مکمل طور پر حکومت ہوگی۔

انھوں نے خبردار کیا طاقت کے بل بوتے پرفیصلے کرا لو گے، یہ تمہاری غلط فہمی ہے، خلق خداکی آواز سنو ،جمہوری و آئینی حقوق پرڈاکہ ڈالنےکی منصوبہ بندی سے گریز کرو۔

اسد عمر نے مزید کہا کہ گلو گردی میں نہیں معاملات کا بہترین حل انتخابات کے فوری اعلان میں ہے، اخلاقی و جمہوری جوازکھو دینےوالی کٹھ پتلی سرکار ہمت کرےاور انتخابات کی تاریخ دے، پرامن احتجاج تشدد میں بدلنے کی کوشش کٹھ پتلیوں کی سیاست ہمیشہ کیلئےدفن کرے گی۔

Comments

یہ بھی پڑھیں