کراچی : شہید محترمہ بینظیر بھٹو کی چھوٹی صاحبزادی آصفہ بھٹو نے اپنی والدہ کے مشن کو پایہ تکمیل تک پہنچانے کیلئے سرگرمِ رہنے کا عہد کرلیا۔

تفصیلات کے مطابق شہید محترمہ بینظیر بھٹو کی چھوٹی صاحبزادی آصفہ بھٹو سے بلاول ہاوَس میں لیاری گرلز کیفے کے ایک وفد کی ملاقات ہوئی۔

ملاقات میں آصفہ بھٹو نے کہا کہ قوم سازی میں خواتین کوبرابرکاشراکتداربننےکےقابل بناناچاہتےہیں ، یہ شہید بینظیربھٹوکےمشن کالازمی جزتھا۔

آصفہ بھٹو نے اپنی والدہ کے مشن کو پایہ تکمیل تک پہنچانے کیلئے سرگرمِ رہنے کا عہد کیا اور لیاری گرلزکیفےکےخواتین کی ترقی اور بااختیار بنانے کیلئے اقدام کو سراہا۔

اس موقع پر انھوں نے لیاری گرلز کیفے کو کاوشیں جاری رکھنے اور دائرہ کار بڑھانے میں تعاون کی پیشکش کی۔

آصفہ بھٹو نےاپنی اوربختاوربھٹو کی جانب سے وفد کو سائیکلیں بھی ڈونیٹ کیں۔