کراچی : اے ایس ایف کا43واں رائزنگ ڈے جوش و خروش سے منایا جارہا ہے، اس سلسلے میں کراچی لاہور اور اسلام آباد ایئر پورٹ سمیت دیگر ایئر پورٹ پر بھی پرچم کشائی کی تقریبات کا انعقاد کیا گیا۔
اے ایس ایف کی جانب سے تمام ایئرپورٹ پر پرچم کشائی کی تقریبات منعقد کی گئیں جس میں سی ایس اوز نے خصوصی شرکت کی۔
رائزنگ ڈے کے موقع پر مقررین نے اے ایس ایف کے شہداء کو خراج عقیدت پیش کیا، ان کا کہنا تھا کہ اے ایس ایف کے جوانوں نے ملک کی خاطر اپنی جانوں کا نذرانہ پیش کیا۔
مختلف ایئرپورٹس پر سی ایس اوز نے خطاب کرتے ہوئے کہا کہ اے ایس ایف کو دور جدید کے مطابق تربیت کے ساتھ ساتھ جدید آلات اور گاڑیوں سے بھی لیس کیا گیا ہے۔
رائزنگ ڈے کے موقع پر ڈی جی اے ایس ایف نےاپنے پیغام میں کہا کہ اے ایس ایف ملک بھر کے تمام ایئرپورٹس پر اپنے فرائض احسن طریقہ سے انجام دے رہی ہے۔
