The news is by your side.

Advertisement

کراچی میں اے ایس ایف کی 46 ویں سالانہ پاسنگ آؤٹ پریڈ

کراچی: سیکرٹری ایوی ایشن عرفان الہٰی نے کہا ہے کہ اے ایس ایف فضائی قزاقی اور دہشت گردی کے خلاف نبرد آزما ہے، اے ایس ایف کی ان صلاحیتوں کا اعتراف ہوابازی کے بین الاقوامی ادارے بارہا کرچکے ہیں۔

ان خیالات کا اظہار انہوں نے کراچی میں اے ایس ایف کی 46 ویں سالانہ پاسنگ آؤٹ پریڈ سے بحیثیت مہمان خصوصی خطاب کرتے ہوئے کیا۔ اس موقع پر نو سو دس اہلکاروں میں سے ایک سو اننچاس خواتین کیڈٹس نے تربیت مکمل کی۔

پاسنگ آؤٹ پریڈ میں سیکرٹری ایوی ایشن عرفان الہٰی ڈی جی اے ایس ایف میجرجنرل علی عباس حیدرنے بھی شرکت کی جنہیں تربیت حاصل کرنے والے چاق وچوبند دستے نے سلامی پیش کی اور جوانوں نے پیشہ ورانہ صلاحیتوں کا مظاہرہ کیا۔

تقریب میں اے ایس ایف کیڈٹس سے خطاب کرتے ہوئے سیکرٹری ایوی ایشن عرفان الہٰی نے کہا کہ اے ایس ایف اپنی حساس ذمہ داریوں کی وجہ سے ممتاز مقام رکھتی ہے یہ وجہ ہے کہ اے ایس ایف کا اعلیٰ معیار محنت کا واضح ثبوت ہے۔

انہوں نے کہا کہ اے ایس ایف مسافروں کی جان ومال کی حفاظت یقینی بنانے میں کلیدی کردارادا کررہی یے اے ایس ایف فضائی قزاقی اور دہشت گردی کے خلاف نبرد آزما ہے۔

انہوں نے کہا کہ آٹھ جون2014کو اے ایس ایف کی ایئرپورٹ پرقربانی کوبھلایا نہیں جاسکتا، اے ایس ایف کے شہداء کو خراج عقیدت پیش کرتا ہوں، پوری قوم کو اے ایس ایف کے شہدا پر فخر ہے، اے ایس ایف میں جدید ہتھیاروں کے ساتھ نئی ٹرانسپورٹ کو بھی لایا جارہا یے جبکہ اے ایس ایف ملازمین کی فلاح بہبود میں ایوی ایشن ڈویژن ساتھ ساتھ ہے۔

انہوں نے کہا کہ ایوی ایشن سیکورٹی میں شامل ہونے والے اہلکاروں پربھاری ذمہ داریاں عائد ہوتی ہیں جبکہ یہ مسافروں اور جہازوں کے تحفظ کے لیے کلیدی کردار کی حامل ہے، اے ایس ایف نے اس مختصرعرصے میں اپنا اہم کردار ادا کیا جو قابل ستائش ہے۔

انہوں نے پریڈ کے اعلیٰ معیار کو اے ایس ایف کی انتھک محنت کا واضح ثبوت قرار دیا، ان کا مزید کہنا تھا کہ ایوی ایشن اے ایس ایف کے فلاح وبہبود کے منصوبوں پر کام کررہی ہے۔

اس حوالے سے ملک بھر کے تمام ائرپورٹس کے اپ گریڈیشن کے منصوبوں پر سنجیدہ اقدامات اٹھائے جارہے ہیں، تمام ایئر پورٹس کو مزید ہتھیاروں اور عصر حاضر کے تقاضوں سے ہم آہنگ کیا جائیگا۔

Print Friendly, PDF & Email

Comments

comments

یہ بھی پڑھیں