لاہور:علامہ اقبال انٹرنیشنل ایئرپورٹ پر اے ایس ایف نے ڈھائی کروڑ روپے سے زائد مالیت کی ہیروئن اسمگل کرنے کی کوشش ناکام بناتے ہوئےملزم کوگرفتارکرلیا۔
تفصیلات کےمطابق ایئرپورٹ سیکورٹی فورس نے لاہور میں علامہ اقبال انٹرنیشنل ایئرپورٹ پرقطر ایئرویز کی پرواز کیوآر 621 سے برآستہ دوحہ سعودی عرب جانے والے مسافر سے ڈھائی کروڑ سے زائد مالیت کی ہیروئن قبضے میں لےلی گئی۔
سرگودھا کا رہائشی نعیم مالٹے کے چھلکوں میں ہیروئن بھر کے لے جا رہا تھا۔ایئرپورٹ سیکورٹی فورس نے ملزم نعیم کو تفتیش کے لیےنا معلوم مقام پرمنتقل کردیا۔
مزید پڑھیں:اسلام آباد : بینظیرانٹرنیشنل ایئرپورٹ پرمسافرسے ہیروئن برآمد
یاد رہےکہ اس سے قبل گزشتہ ماہ وفاقی دارالحکومت اسلام آباد میں بینظیرانٹرنیشنل ایئرپورٹ پراےایس ایف نے کارروائی کے دوران مسافرسےایک کلو 700گرام ہیروئن برآمد کی تھی۔
مزید پڑھیں:اسلام آباد، جدہ جانے والے مسافر سے چار کلو ہیروئن برآمد
واضح رہےکہ گزشتہ ماہ 2جنوری کوبنظیرایئرپورٹ پر جدہ جانے والے مسافر کے سامان کے خفیہ خانوں سے چار کلو ہیروئن برآمد ہوئی تھی جس کے بعد ایئرپورٹ سیکیورٹی فورس نے ملزم کاشف سجاد شاہ کو حراست میں لے لیاتھا۔
