اسلام آباد : اسلام آباد انٹرنیشنل ائیر پورٹ پر خاتون کو ہراساں کرنے والے اے ایس ایف اہلکار کو معطل کردیا گیا، اہلکار نے موبائل نمبر پر دوستی کرنے کی میسج کیے۔
تفصیلات کے مطابق اسلام آباد انٹرنیشنل ائیر پورٹ پر اے ایس ایف اہلکار کی جانب سے خاتون کو ہراساں کرنے کا واقعہ سامنے آیا۔
جس کے بعد خاتون کومیسج کرنے والے اے ایس ایف کے اے ایس آئی کو معطل کردیا گیا، اے ایس ایف کےاسسٹنٹ سب انسپکٹر پر خاتون مسافر کو ہراساں کرنے کا الزام ہے۔
خاتون مسافر نے الزام عائد کیا ہے کہ اے ایس ایف کے اہلکار نے موبائل نمبر پر دوستی کرنے کی میسج کیے، موبائل پر مسیج کیا کہ اس بین الاقوامی ڈیپارچر میں آپ کو دیکھا تھا مجھے اپ اچھی لگی۔
اے ایس ایف کی جانب سے اے ایس آئی کو معطل کرکے انکوائری شروع کردی ہے۔
