پشاور:ضرب عضب کامیابی سے ہم کنار ہوا ہے،اسفندیارولی خان -
The news is by your side.

Advertisement

پشاور:ضرب عضب کامیابی سے ہم کنار ہوا ہے،اسفندیارولی خان

پشاور : عوامی نیشنل پارٹی کے سربراہ اسفند یار ولی کا کہناہے کہ ملک میں قیام امن کے لیے آپریشن ضرب عضب سنگ میل ثابت ہوا ہے۔

تفصیلات کےمطابق پشاورمیں اے این پی کے مرحوم سینیٹر حاجی عدیل مرحوم کی رہائش گاہ پر میڈیا سے گفتگو کرتے ہوئے عوامی نیشنل پارٹی کے سربراہ اسنفند یار ولی کا کہناتھا کہ آپریشن ضرب عضب کامیابی سے ہم کنار ہوا ہے۔

اے این پی کے سربراہ کا کہناتھا کہ دہشت گردی کے خاتمے کے لیے آپریشن ضرب عضب اہم سنگ میل ثابت ہوا ہے کوئی پاگل ہی ہو گا جو آرمی چیف کی تعریف نہ کرے۔

اسفند یار ولی نے ایک سوال کے جواب میں بتایا کہ ہمارا شروع سے یہی موقف رہا ہے کہ آرمی چیف کی مدت ملازمت پوری ہونے کے بعد سینیئر لیفٹیننٹ جنرل کو نیا آرمی چیف تعینات کیا جائے۔

مزید پڑھیں:آرمی چیف کی مدت ملازمت میں توسیع، پیپلزپارٹی نے پنجاب اسمبلی میں قرارداد جمع کرادی

یاد رہے کہ اس سےقبل رواں سال فروری میں پاکستان پیپلزپارٹی نے پنجاب اسمبلی میں آرمی چیف جنرل راحیل شریف کی مدت ملازمت میں توسیع کے لیے قرارداد جمع کرائی تھی۔

مزید پڑھیں:جنرل راحیل شریف کو کیسے الوداع کیا جائے؟ تیاریاں شروع

واضح رہے کہ آرمی چیف کی مدتِ ملازمت مکمل ہونے کچھ دن ہی باقی رہ گئے ہیں اوروزیراعظم ہاؤس میں سوچ بچار شروع ہوگئی کہ آرمی چیف کو کیسے الوداع کہیں اورکس تاریخ کو تاریخ ساز تقریب رکھی جائے۔

Comments

comments

یہ بھی پڑھیں