بھارت کی مقبول گلوکارہ آشا بھوسلے کی پوتی زینائی بھوسلے کی بھارتی کرکٹر کرکٹر محمد سراج کے ساتھ تصویر نے ڈیٹنگ کی افواہوں کو جنم دیا ہے۔
بھارت کی لیجنڈ گلوکارہ آشا بھوسلے کی پوتی زینائی بھوسلے نے حال ہی میں ممبئی میں اپنی 23ویں سالگرہ منائی، زینائی نے اپنی سالگرہ کی پارٹی کی چند تصاویر شیئر کیں۔
View this post on Instagram
زینائی کی سالگرہ کی تقریب میں بھارتی کرکٹرز ک فلم اور ٹی وی اداکاروں سمیت کئی نامور شخصیات نے شرکت کی جس میں زینائی بھوسلے کی دادی آشا بھوسلے، اداکار جیکی شروف، کرکٹر شریاس ائیر، سدھیش لاڈ، سویاش پربھودیسائی، بگ باس کی سابق کنٹیسٹنٹ عائشہ خان اور ’منجیا‘ فلم کے اداکار ابھے ورما بھی شامل تھے۔
تاہم شیئر کی گئی تصاویر میں سے ایک تصویر نے انٹرنیٹ صارفین کی توجہ حاصل کرلی ہے، اس تصویر میں زینائی بھوسلے کو بھارتی کرکٹر محمد سراج کے ساتھ خوش گوار اندار میں گفتگو کرتے ہوئے دیکھا جاسکتا ہے۔
تصویر سوشل میڈیا پر وائرل ہونے کے بعد صارفین کی جانب سے ان دونوں کی ایک دوسرے کے ساتھ ڈیٹنگ کی قیاس آرائیوں کا سلسلہ شروع ہوگیا۔
