ایشیز سیریز کے تیسرے ٹیسٹ میچ میں انگلینڈ نے آسٹریلیا کو تین وکٹوں سے شکست دے دی، سیریز میں آسٹریلیا کو 2-1 کی برتری حاصل ہے۔
انگلینڈ نے آسٹریلیا کی جانب سے دیا جانے والا 251 رنز کا ہدف 7 وکٹوں کے نقصان پر حاصل کرلیا، دوسری اننگز میں ہیری بروک نے شاندار 75 رنز کی اننگز کھیلی، مارک ووڈ کو شاندار بولنگ پر میچ کا بہترین کھلاڑی قرار دیا گیا۔
اوپنر زیک کرولی 44 رنز بنا کر آؤٹ ہوئے، کرس ووکس 32 رنز کے ساتھ ناٹ آؤٹ رہے۔
❤️ The match-winning moment…
Chris Woakes, what a man 👏 #EnglandCricket | #Ashes pic.twitter.com/hnhvEMu0jR
— England Cricket (@englandcricket) July 9, 2023
آسٹریلیا کی جانب سے مچل اسٹارک نے پانچ کھلاڑیوں کو پویلین کی راہ دکھائی، مچل مارش اور کپتان پیٹ کمنز نے ایک، ایک وکٹ حاصل کی۔
اس سے قبل آسٹریلوی ٹیم دوسری اننگز میں 224 رنز پر ڈھیر ہوگئی تھی، عثمان خواجہ 43 رنز کے ساتھ نمایاں رہے تھے جبکہ مارنوس لبوشین 33 رنز بنا کر آؤٹ ہوئے۔
How are your nerves? 😬
Catch up on all of the action from a tense morning session right here 👇#EnglandCricket | #Ashes
— England Cricket (@englandcricket) July 9, 2023
انگلینڈ کی جانب سے اسٹیورٹ براڈ اور کرس ووکس نے تین، تین کھلاڑیوں کو پویلین کی راہ دکھائی، مارک ووڈ اور معین علی نے دو، دو وکٹیں حاصل کیں۔
واضح رہے کہ آسٹریلیا نے پہلی اننگز میں 263 رنز بنائے تھے جبکہ انگلینڈ کی ٹیم پہلی اننگز میں 237 رنز پر آؤٹ ہوگئی تھی۔
