مانچسٹر: آسٹریلیا نے مانچسٹر ٹیسٹ میں تاریخ رقم کردی، اسٹیو اسمتھ کی میچ وننگ ڈبل سنچری کی بدولت آسٹریلیا نے چوتھے ٹیسٹ میں انگلینڈ کو 185 رنز سے شکست دے دی۔
تفصیلات کے مطابق ایشیز سیریز کے چوتھے ٹیسٹ میچ میں آسٹریلیا نے انگلینڈ کو 185 رنز سے ہرا کر پانچ میچوں کی سیریز میں 2-1 کی برتری حاصل کرلی، اسٹیو اسمتھ کو شاندار ڈبل سنچری پر میچ کا بہترین کھلاڑی قرار دیا گیا۔
مانچسٹر میں اسٹیو اسمتھ کی تاریخی ڈبل سنچری نے آسٹریلیا کی جیت کی بنیاد رکھی، پیٹ کمنز نے چار کھلاڑیوں کو آؤٹ کرکے انگلینڈ کو تین سو ایک رنز تک محدود رکھا۔
The first Aussie men's skipper to bring the #Ashes home from England since Steve Waugh in 2001. pic.twitter.com/Au7sNLqTqx
— cricket.com.au (@cricketcomau) September 8, 2019
اس سے قبل کینگروز نے 196 رنز کی برتری کے ساتھ دوسری اننگز کا آغاز کیا تو اسمتھ نے 82 رنز کی اننگز کھیل ہدف کو 383 رنز تک پہنچایا، ہدف کے تعاقب میں پیٹ کمنز کی خطرناک بولنگ کے آگے انگلش ٹیم بے بس نظر آئی۔
انگلینڈ کے تیسرے ٹیسٹ کے ہیرو بین اسٹوکس نہیں چلے تو کوئی بھی نہ چلا، انگلش کپتان جو روٹ نے سیریز میں 3 مرتبہ صفر پر آؤٹ ہوکر منفی ریکارڈ قائم کرلیا۔
He made his highest ever run total in a Test to help Australia retain the Ashes – Steve Smith is the Player of the Match at Old Trafford! 👏👏https://t.co/6cL1F12IIQ | #ENGvAUS | #Ashes pic.twitter.com/wW0tj4uSTm
— ESPNcricinfo (@ESPNcricinfo) September 8, 2019
واضح رہے کہ اسٹیو اسمتھ نے چوتھے ٹیسٹ میں 216 اور 82 رنز کی اننگز کھیلی، اسمتھ سیریز میں تین سنچریاں اسکور کرچکے ہیں، وہ ٹیسٹ رینکنگ میں پہلے نمبر پر براجمان ہیں۔
چوتھے ٹیسٹ میچ میں کامیابی کے ساتھ کینگروز کو ناقابل شکست 2-1 کی برتری حاصل ہوگئی ہے اب انگلینڈ کو اگر آخری ٹیسٹ میچ میں شکست سے بچنا ہے تو سیریز برابر کرنا ہوگی۔
