اسلام آباد: امیر جماعت اسلامی، سراج الحق نے کہا ہے کہ افغانستان اور پاکستان کے پاس دوستی کے علاوہ کوئی چوائس نہیں.
ان خیالات کا اظہار انھوں نے اسلام آباد میں افغان صدر اشرف غنی سے ملاقات کے موقع پر کیا.
سینیٹر سراج الحق کا کہنا تھا کہ پاکستان اور افغانستان کا روشن مستقبل امن سے وابستہ ہے، امن کے لئے افغان جماعتوں میں باہمی ڈائیلاگ ضروری ہیں.
امیر جماعت اسلامی کا کہنا تھا کہ افغانستان اور پاکستان میں دوستی کےعلاوہ کوئی چوائس نہیں، دونوں ممالک کے درمیان فاصلے امن دشمنوں کے پیدا کردہ ہیں.
سینیٹر سراج الحق کا کہنا تھا کہ ان فاصلوں کو جلد از جلد ختم ہونا چاہییں، دونوں ممالک کا قریب آنا ضروری ہے.
اس دوران افغانستان میںہونے والے انتخابات بھی زیر بحث آئے. افغان صدر نے کہا کہ افغانستان میں بروقت انتخابات ہوں گے. انھوں نے مزید کہا کہ ہم پاکستان سے تعلقات کو بڑی اہمیت دیتے ہیں.
مزید پڑھیں: وزیرا عظم عمران خان اور افغان صدراشرف غنی کی ون آن ون ملاقات
خیال رہے کہ افغان صدر اشرف غنی پاکستان کے دورے پر آئے ہوئے ہیں. آج وزیرا عظم عمران خان اور افغان صدراشرف غنی کی ون آن ون ملاقات ہوئی۔
اس ملاقات میں خطے کی سیکیورٹی اورقیام امن سےمتعلق تبادلہ خیال کیا گیا.
