کراچی : یوم عاشور پر موبائل فون سروس بند ہونے سے متعلق اہم خبر آگئی ، محکمہ داخلہ سندھ نے موبائل فون اور انٹرنیٹ سروس معطلی کی سفارش کردی۔
تفصیلات کے مطابق سندھ حکومت نے موبائل فون سروس معطل کرنے کی درخواست وزارت داخلہ کو بھیج دی ، سندھ کےمختلف اضلاع میں عاشورہ محرم کے دوران موبائل سروس معطل کرنے کی درخواست کی گئی۔
محکمہ داخلہ سندھ کی جانب سے درخواست میں جلوسوں کے روٹس پر موبائل فون اور انٹرنیٹ سروس معطلی کی سفارش کی گئی ہے۔
محکمہ داخلہ سندھ کا کہنا ہے کہ وزارت داخلہ قواعد کے تحت فیصلہ کر کے سندھ حکومت کو مطلع کرے۔
مزید پڑھیں : انٹرنیٹ اور موبائل سروس کی بندش کا فیصلہ زمینی حقائق پر کیا جائے، محسن نقوی
یاد رہے وزیر داخلہ محسن نقوی نے محرم الحرام سیکیورٹی پلان پر اجلاس کے دوران امن وامان یقینی بنانے کیلئے تمام ضروری انتظامی اقدامات کا فیصلہ کرتے ہوئے کہا تھا انٹرنیٹ،موبائل سروس کی بندش کا فیصلہ سیکیورٹی کے پیش نظر صوبوں کی مشاورت ہوگا۔
وزیر داخلہ نے ہدایت کی انٹرنیٹ اور موبائل سروس کی بندش کا فیصلہ زمینی حقائق پر کیا جائے ساتھ ہی تمام ضروری اقدامات اور فیصلے باہمی مشاورت سے کئے جائیں گے۔
