کراچی ٹیسٹ کے چوتھے روز کھیل کے اختتام پر پاکستان نے دوسری اننگز میں 2 وکٹوں کے نقصان پر 192 رنز بنالیے۔
کراچی ٹیسٹ کے چوتھے روز کھیل کے اختتام پر پاکستان نے بابر اعظم کی شاندار سنچری کی بدولت آسٹریلیا کے خلاف 2 وکٹوں کے نقصان پر 192 رنز بنالیے، پاکستان کو جیت کے لیے مزید 314 رنز درکار ہیں جبکہ آسٹریلیا کو جیت کے لیے آٹھ وکیں لینا ہوں گی۔
بابر اعظم نے شاندار سنچری اسکور کی وہ 102 رنز کے ساتھ کریز پر موجود ہیں، بابر اعظم کی اننگز میں 12 چوکے شامل تھے۔
قومی ٹیم کے کپتان کی اننگز کی تعریف جہاں سابق اور موجودہ کرکٹرز کررہے ہیں وہیں بھارتی ٹیم کے اسپنر روی چندر ایشون بھی ان کی بیٹنگ کی تعریف کیے بنا نہ رہ سکے۔
روی چندر ایشون نے اپنے ٹویٹ میں لکھا کہ بابر اعظم کل بہترین انداز میں میچ کو ختم کرنے جارہے ہیں۔
Babar Azam 👏👏, going to be an exciting finish tomorrow. #PAKvAUS
— Ashwin 🇮🇳 (@ashwinravi99) March 15, 2022
واضح رہے کہ آسٹریلیا نے کراچی ٹیسٹ میں پاکستان کو جیت کے لیے 506 رنز کا ہدف دیا ہے، آخری روز پاکستان کو جیت کے لیے مزید 314 رنز درکار ہیں جبکہ اس کی آٹھ وکٹیں باقی ہیں۔
