The news is by your side.

Advertisement

پنجاب پولیس کے اے ایس آئی نے تھانے میں خود کو گولی مار لی

لاہور: پنجاب پولیس میں تعینات اسسٹنٹ سب انسپیکٹر (اے ایس آئی) نے دوران ڈیوٹی تھانے کے اندر خود کو گولی مار کر خودکشی کرلی۔

اے آر وائی نیوز کو پنجاب پولیس کے ذرائع سے موصول ہونے والی اطلاع کے مطابق خودکشی کرنے والے اے ایس آئی کی شناخت مجید کے نام سے ہوئی جو لاہور کے علاقے گارڈن تھانے میں انویسٹی گیشن ڈیپارٹمنٹ میں تعینات تھا۔

اے ایس آئی نے دورانِ ڈیوٹی سرکاری اسلحے سے تھانے کے اندر خود کو صبح کے وقت گولی ماری اور فوری طور پر دم توڑ گیا۔

واقعے کے بعد فرانزک ماہرین کی ٹیم نے جائے مقام کا دورہ کیا اور وہاں سے شواہد اکھٹے کیے جبکہ پولیس افسر کی لاش کو ضابطے کی کارروائی کے لیے قریبی اسپتال منتقل کیا گیا۔

پولیس ذرائع کے مطابق ٹریفک حادثے میں بیٹے کے زخمی اور معذور ہونے کے بعد مجید ذہنی دباؤ کا شکار تھا اور اُسے اپنے جوان بیٹے کی فکر تھی کہ وہ اپاہجی کے ساتھ اپنی بقیہ زندگی کس طرح گزار سکے گا۔

قبل ازیں رواں سال پولیس ٹرینگ کالج روات میں بھی پولیس اہلکار کی خودکشی کا واقعہ پیش آیا تھا جس کی روالپنڈی سٹی پولیس نے بھی تصدیق کی تھی۔

Comments

یہ بھی پڑھیں